|
قصيدة شباب الفين 2000
الا ياالله ياغافر ذنـوب عبـادك المخطيـن اله بأمره الكـون وجميـع احـواه يدرجلـه قريبٍ مستجيبٍ يسمع ويوحي دعى الداعين اليا منه دعـاه اللـي بـراه الهـم فرجلـه له الفضل وله الحمد وله الشكر وله التدعين اصلي له وصومي له وكـل عبادتـي لجلـه ليا منه بقى ثلثٍ من الليـل وذهـب ثلثيـن توجهله قلـوبٍ مـن مخافـة ربهـا وجلـه وانا اللي هيض اشجاني وحركها شباب الفين شبابٍ عن دروب اسلافه العليا قصر رجلـه يروم المعصيه ويحبهـا ويخالـط العاصيـن يموج ابه الهوى مع رايح امواجٍ تماوجلـه يحسب ان التقدم والمراجل صحبة الغاويـن تشوش افكاره وترحل مع اصحابٍ تراهجلـه يحسب ان التقدم عندهم رافق هل التدخيـن كرامتهم لو هو مثل السجاير شـر تخرجلـه يحسب ان التقدم يسرج خيوله مع الهافيـن تعاقبله خيـول الغـي بالساحـة وتسرجلـه نهاره يرقده كله وفي ليلـه مـع الواعيـن قلب ليلـه نهـار وليلـه الشلـة تزاعجلـه صاحب له شلةٍ لاعندهم دنيـا ولابـه ديـن تماري بالمعاصي غيـر مهتمـه ولا خجلـه عطاله سكةٍ يسرى ودرب الغانميـن ايميـن تياسر والدروب العوج طبعٍ لـه ومنهجلـه على محارم الخلق اطلق لسانه وهـد العيـن تغنجلـه لبنـت رجـال يبغاهـا تغنجـلـه يقول الها انا الهايم انا المغرم انا المسكيـن انا اللي من هواك وغرامـك قـاربٍ اجلـه عيوني دمعها يجري من فراقك على الخدين تعالي وانظري في حالتـي بعيونـك النجلـه تميز بالنعومة واصبحوا حبحب على السكين بهرجة طيبـات الفـال يتهـرج ويهرجلـه اليا منه تكلم في المجالس في كلامـه ليـن علوم اهل الشهامـة والمـروة ماتخارجلـه يبيله واحدٍ مثله يناسبلـه علـى الوجهيـن يناسبـه بتميـع هرجتـه ويناسبـه دجلـه الا ياعزتي للـي ربـوه وعيشـوه اسنيـن يبونه طير حـرٍ لانـزع مسباقـه ادرجلـه يبونه طير حرٍ ينغزابه في القسـى والليـن يصيد الجزل والا الهزل مايتعـب وينهجلـه لكن الطير عود بومـهٍ ماتستطيـب الزيـن مواقعها على عفن الجيف لو من ورى دجله وانا مانيب اعم استثني اهل النخوه الذربين شبابٍ نور الايمـان ومصابيحهـا توهجلـه الا وين الشباب اللي يخلد منهـج الماضيـن شباب امةٍ فيها الزمـان الحاضـر احوجلـه الا وين الشباب احفاد ابو بكر وصلاح الدين شبابٍ ماخذتـه المغريـات اللـي تروجلـه لشاعر /مشعل شباب الشيباني |
رد: قصيدة شباب الفين 2000
يعطيك العافيه اخي سهيل اليماني
|
رد: قصيدة شباب الفين 2000
يسلموووووووووووووووووووووووووووووووووووووووووووووو وو
|
رد: قصيدة شباب الفين 2000
الله يعطيك العافيه أخي سهيل اليماني
ومشكور على نقل القصيده الرائعه لا تحرمنا جديدك |
رد: قصيدة شباب الفين 2000
مشكور اخي سهيل يعطيك العافية على القصيدة الرائعه
|
رد: قصيدة شباب الفين 2000
يعطيك االف عافيه على الطرح
لآ عدمنـــآك آبداً بـ انتظار وآفر ابداعك ودي.. |
رد: قصيدة شباب الفين 2000
يعطيك الف عافيه
|
| الساعة الآن 07:27 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w