|
المحاوره الاولى بين ابو الهنوف والشاعر بعيد الهقاوي
ياسلامي سلامن عد وبل المخيل *** ياصل أهل الهقاوي بعد جا دورها
ودنا نشبر الخطوه في بحر الخليل *** وكل رجلن تقدم حسب مقدورها |
رد: المحاوره الاولى بين ابو الهنوف والشاعر بعيد الهقاوي
مرحبا يالمسلم عد حطن وشيل *** وعد ما أهل الودايا تسقي جذورها
البحر نشبره والليل توه طويل *** وكل يدن تقدم حسـب مصخورهـــــا |
رد: المحاوره الاولى بين ابو الهنوف والشاعر بعيد الهقاوي
البقا يالمرحب دون بنن وهيل *** عد ما بركة الــــحره على زورهـــــــا لد عينك وقلي بالسماء وش تخيل*** كيف طاحة نجومن صاطعن نورها |
رد: المحاوره الاولى بين ابو الهنوف والشاعر بعيد الهقاوي
مابقا بالسماء متمركز الا سهيل *** وحوله انجوم مقبل بالسرا دورها
وسقف قصر العرب لسار ماهو ضليل***غيرته العرب ليدمر قصورها |
رد: المحاوره الاولى بين ابو الهنوف والشاعر بعيد الهقاوي
مايفيد المنادي لا انحدر كل سيل *** والمنايا ما يقدر يدهن سيورهـــا
طيع شوري ياراع الفرد هدي قليل *** كان تبغا نمر الكعبه انزورها |
رد: المحاوره الاولى بين ابو الهنوف والشاعر بعيد الهقاوي
محاوره رائعه ودنا لو طولت |
رد: المحاوره الاولى بين ابو الهنوف والشاعر بعيد الهقاوي
يتبع ـــــــــــــــــــــــــــ .. والقادم احلى انتضرونا لسا ما شاب القاف
|
رد: المحاوره الاولى بين ابو الهنوف والشاعر بعيد الهقاوي
صح لسانك اخي بعيد الهقاوي وصح لسانك اخي ابوالهنوف على هذه المحاوره الشيقه التي نتمنى استمرارها من الشاعرين ولاهان لكم منطوق على هذه المحاوره ونتمى ايضاً من جميع الشعراء تجديد هذا الموروث الشعبي لان المحاوره لها جمهورمتابع كثير من الاعضاء والزوار في هذا المنتدى ونطالب من شعرائنا العمالقه التفاعل وتنشيط هذا الموروث تحيه طيبه لكم |
رد: المحاوره الاولى بين ابو الهنوف والشاعر بعيد الهقاوي
من تهاون بدرب السيل جاه الحصيل *** جاه موج السيول وذاق محذورهــــا
الصبر طال والمشوار يبغا الرحيل *** شدحيلك تعلا الحره وكورهـــــــــــــــا |
رد: المحاوره الاولى بين ابو الهنوف والشاعر بعيد الهقاوي
فالخطوط السريعه مخرجن للمعيل *** يبتعد عن عقوم الدرب وحفورها
تقطعت انادي لاتطيح المحابيل *** الا نذال شوري لاتسمـــع شورهــــــا |
رد: المحاوره الاولى بين ابو الهنوف والشاعر بعيد الهقاوي
محاوره جميله بين الشاعرين يعطيهم العافيه واتمنى لهم التوفيق
|
رد: المحاوره الاولى بين ابو الهنوف والشاعر بعيد الهقاوي
انت ناديت وانا ماسمع لقال قيل *** العقول السيقيمه فاحت اقدورها
|
| الساعة الآن 01:17 PM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
منتدى قبيلة السمره من جهينة الرسمي
Security by i.s.s.w