كفاية يا حزن تكفى .... تراني في النهاية إنسان



قصيده أعجبتني كلماتها

كفاية يا حزن تكفى .... تراني في النهاية إنسان





أخاف اكتب واسبب جرح .... وأعيش بعالمي ندمان...
أخاف انطق وأقول الهمّ ..... واصير بدنيتي غلطان...




أنا وان قلت بكتمها .... بتبقى حالتي تعبان...
وتتبعني هموم الوقت ..... وأعيش بضيقة الأحزان...




أخاف اشكي وأقول إني .... من الدنيا أنا تعبان...
وترجع تنتقم منّي ...... وتشعل قلبي النيران...




أخاف اصرخ وأنا وحدي .... ولا يسمعني أي إنسان..
ويرجع لي صدى صوتي .... {تراك بعالم الكتمان}..




أخاف ابكي وما ألقى .... لدمعي واحد(ن) شفقان...
ويزداد الألم فيني ..... وأحس بلوعة الحرمان...




أخاف اضحك وأتكدّر..... بضحكة مالها عنوان..
وأدوّر أهلي وربعي .... وحتى صحبي والخلان..




أخاف أقول : ابي افرح ..... لأني للفرح عطشان..
وأضيّع موطن الفرحة .... واتوه بعالم الأحزان..




متى يا خوفي تتركني .... وأنا أجازيك بالهجران..
متى دنياك ترحمني .... وأعيش بعالمي بأمان...


متى يا حزني اتجرأ ..... وأصيح بصوتي التعبان

((كفاية يا حزن تكفى .... تراني في النهاية إنسان))..




كفاية يا حزن تكفى .... تراني في النهاية إنسان