كنها من طيف مر وحالها( حاله غريبه )=يعلم الله كل ما تبدي ويعلم في خفاها
ستل الجنحان فكري وابتديت من ( ارض طيبه )=حر لا ستل جناحه هامته ترقب سماها
وتل قلبي معه يوم القلب معه ويعتزيبه=والمشاعر بينهم ( لحن الخطر ) غنا هواها
وابتدأ مشوار ثاني رحلته كانت عجيبه=ما تقول الا ارض غير الارض دارت في رحاها
واذهلتني قمت اناظر شمسها عند المغيبه=وقلت هذا طيف ثاني نومته راح ونساها
كان همه هم من حضر شهوده مع طليبه=واتضح له ( خصمه القاضي ) بحجه ما قراها
ظلمت دنياه في وجهه وقال الله حسيبه=يمهل الظالم ولا يهمله لذنوبه جزاها
لو تعتلت ( روس باطل ) تعتلي من دون هيبه=كل هامه تعتلي بالظلم محدودآ مداها
مات من راقب عباد الله هم وزاد شيبه=مشغلآ نفسه عبث والنفس ما حقق مناها
اشغلته عيوب خلق الله وناسي كبر عيبه=علته في ضعف نفسه كيف لو فيها تباها
من يراجع حالته بالفعل يلقاها غريبه=واحدآ ( نفسه عدوه ) حالته يصعب دواها