ياما سمعنا عن عرين الاسودى
وجينا ولا شفنا بها ليث ضرغام

هنا توقف واستمع فى ردودى=وريح هجوس الشعر وحروفك اقزام

اكبر فخر بانى مواطن سعودى=رايه جعلها الله من فوق الاعلام

حنا خلقنا الله لبيته جنودى=حنا رجال الدين من عهد الاسلام

حنا الفخر من ساسنا بالجدودى=يشهد لنا التاريخ وحروف الاقلام

حكامنا من نسل كله فهودى=ماهمهم طير ابرق الريش لو حام

ورجالنا لامن عطاك العهودى=مايختلف عهده على مر الايام

لكن انت ياللى جيت عبر الحدودى=حدث بفخرك كان لك فخر ووسام

وان كان فخرك من قصار الزنودى= البس من ثيابك طويلات الاكمام

وان كنت جاهل بالشعار السعودى=نخله توسط بين حدين لحسام