منتدى قبيلة السمره من جهينة الرسمي - عرض مشاركة واحدة

06-30-2012, 09:16 AM

آه من حالٍ يضيق الصّدْر منه ويكتوينا

كل ما قلنا تيَسّر جدّدَت بالحزن الاخبار

واه من ضيمٍ شربنا ماه نضماه وروينا

كلمةٍ تاقف بحلق اقلامنا وتجفّ الاحبار

وش بيدينا غير ندعي ربّنا اللي محتوينا

نرفعْ كفوف الضّراعه مقبلينٍ ما بناادبار

سوريا نأسف لهذا الوَضْعْ ورَبّي ما قوينا

ليت يدينا طايلتكم وقْصَرَت فالبُعْد الاشبار

الحزن مثل الجفاف اللي لوانا والتوينا

والبكى مثل السّحاب اللي مطَرْ ودمُوعهْ كبار

صفحة الأمْس افتتحناها مآسي ما طوينا

كلها صفحه حزينه عجعجة في لجّة غبار

والأمَل في باكر اللي ننتظره بما هوينا

ما يموت العاق لو ما ينولد لك واحدٍ بَار