ياهاجاسي مالي عن الوضع تجنيب=ومن حقي اظهر ما يخفيه بالي
خابرك خالي من جميع العذاريب =خابرك شاري البيوت الجزالي
الطيبه لوهي بروس المراقيب=اجيبها الوهي بروس الجبالي
وان جيت تنشد ياهجوسي عن الطيب=عند ابن مرضي لا حسبت الرجالي
شيخن وذكره مع كبار الاجنيب =ﻻجاء مجال اسمه رميت العقالي
فيه التباهه بين كل الاصاحيب =بين الرجال لي لهم قدر عالي
مواقفه لو جمعوها الحسسيب =اخبرتهم بالعجز يا همالي
انشهد انه من كبار الاشنيب =كريم سبلى ما يحسب التوالي
هداج تيما مابها شكن وريب =مطنوخ شيال الحمول الثقالي
عواد يا راع الوفاء والمواجيب=عواد يوم ان اليالي ليالي
انشهد انك ذيب ويضا ولد ذيب =شيخن وقدرك دايم الدوم عالي
وختمها ياعالم السر والغيب =الديم عز الشيخ ياذا الجلالي