قصيدة لشاعر رشيد الزلامي رحمه الله وصية لشباب
اليا بحلت انشد ترى مابها عيب
لاتنخدع للجهل وانت السبايب
العيب ترك ملزمات المواجيب
تبع الردى ومجالسه كل خايب
وعيب الفتى مافيه شك ولاريب
ترك الفروض وقطع وصل القرايب
والمعرفه برهان مافيه تكذيب
واليا بحلت أنشد من القوم شايب
ماقول يوجد شايب يعلم الغيب
الغيب يعلم به مدير الهبايب
لاشك يوجد شايب له تجاريب
ومن الدهر مرت عليه العجايب
شايب نواصي جبهته كلها شيب
من كثر مامرت عليه المصايب
قد عايس الدنيا على الخبث والطيب
بالغوص ولا في ضهور النجايب
يرويه لنا
الراوي الشاعر الكبير /عائض حمدان السميري أبو محمد
سبحان الله وبحمده سبحان الله العظيم
|