قصيدة الشاعر //فرحان صالح مرزوق السميري
يمدح الشيخ رجاء بن جريبيع السميري شيخ قبيلة السمره من جهينه ويقول فيها
ياشيخ لك عندي معزة وتقدير=ومعزتك ياشيخ والله كبيرة
معزتك لو ثمنت با الدنانير=ملكت فيها المملكه والجزيرة
رجاء رجاء ساس الرجال المناعير =وهو شيخنا يوم اليال العسيرة
اخذ مع دروب المراجل مشاوير=وله سيرتن ماهي ترى بي سيرة
بيته زهابك يا الدلال المباهير=زبن االدخيل للي حياته كسيره
كريم سبلى مايحسب المخاسير =قدامه الصعبه تعود صغيرة
انشهد انه غير وفي هزمن غير=انشد وتلقى ذكرة بكل ديرة.
لو تنشد العتبان وسليم ومطير =وانشد بعد ورى البحور الغزيره
شيخن وتفخربه ترى الابة اسمير=وتفخربه الجهنان في كل ديرة
وتفخر به اقضاعه احماة المغاتير=اهل الوفاء واهل السيوف الشطيرة
انشهد انه نادرن ياهل الخير=شوف اليتامى عايشه تحت خيرة
ويالله يللي في يديك التدابير=تحماه من جور العذاب وسعيرة
عليه ياربي تسوق. التباشير =في جنة الفردوس ترسل بشيرة
والمعذرة وان كان بلقاف تقصير =وانته وزير والعز وانته اميرة
وختمها بك يا عليم المقادير=تجعل جنان الخلد يالله مصيرة
صح لسان شاعرنا ويستاهل( ابووليد )كل خير ولاهي غريبه على شعرائنا المبدعين
هذه القصائد التي تعبر عن مابداخلهم من محبه وتقدير واحترام لاعيان قبيلتنا الكريمه
اهنئ الشاعر على هذه الابيات الجميله ولاهان