على البحر ربي يعيـن المراكـب
امواجه الـي علمتنـا المووايـل
وعلى الحمول الله يعين المناكـب
وعلى الصعاب الله يعين الرجاجيل
الوقـت متغيـر ولازم نـواكـب
كل الجروح ألي تجـي بالمقابيـل
اجروح تنزف دمها صـار ساكـب
يارب تفرجها قبـل يطفـح الكيـل
والحر مايسكـن بيـوت العناكـب
والعـز للـي يتعبـون المعاميـل
قل للجدي ياسهيل قـود الكواكب
في صمت ترجح لك كفوف مكابيل
وقل للثريا سقـفها صار ناكـب
وش نزلك ياجارة الجدي وسهيـل
لكن بيوت الشعر عيـت تراكـب
والبحر مالح ماه مايشبـه النيـل