قال الســميري وانبدأرأس عالي = في رأس مــرقاب طويل اصطــبيبه
اخذت بالمـــرقاب ساعه لحالــي = مرقب كـــمايرقب على الحــــزم ذيبه
وسجتني أفكاري وهيضت بالي = وقمت اتهيـــــــــض في مثايل عجيبـــه
وفكرت في الدنيا من اول وتالي = دنيانتهاونها واثرها تعيبـــــــــــــــــه
دنيا تحدر مشيها بنحلالــــــــي = مثل الهــــــلال اللي قـــــريبٍ مغيبـــــــــه
يالله ترزقنا برز قاً حلالــــــــــــي = وحرامها عنا عساها تغديبـــــــــــــه
دنيا تقلب بين عدل وميالــــــي = هذا تروح به وهذا تجيبـــــــــــــــــــــه
راحت بابن غانم وزيد الهلالي = وافنت بني تعمر ولاهي غريبــــــــــه
وراحت بفيصل عقبهوابالمثالي= وسلطان نـــــــجد اللي كايد حريبـــــــــه
وشالت سعود اللي حكم بالعدالي= راحت به الدنيا علينا غصيبـــــــــــــه
وراحت بابوبندر كريم السبالي = اهبي من دنيـــــــا وراها تغديبـــــــــــــــه
وراحت بفهد عقبهوابارتحالي= ضد الحريب وعــــــــز من يلتجيبــــــــــــــه
وكلاً مروح عقبهوا لا محالي =ولابد من فرق الحــــــــبيب لحبيبـــــــــــــه
يامحمد انا اوصيك يابن الحلالي=اوصيك ولد اللاش لا تعتزيبــــــــــــــــه
خلك رجل وافهم دروب الرجالي =وابعد عن الهــــــابي ولا تنتخيبــــــــــــــه
ار عه يكبك لاادبرن*الليالـــــــــي= فعلاً لابوه لازمنه يصيبــــــــــــــــــــــــه
وليا نخيته قال مالك ومالـــــــــــي = واقفى عن اللازم بخبثه وطيبــــــــــــه
ويبلش لامرت عليك الحوالـــــــــي = ويخلي السهله عليكم مصيبــــــــــــه
واحذرتسوي بالعميل المحالــــــي =من قبل لاياتـــــــي لحقه تجيبـــــــــــــــــه
واثن عليه وخلصه بالكمالـــــــــــي = هذا جزاء المعروف والله حسيبــــــــــــه
وخلك لربعك زي سلم اليالـــــــــــي =لجنك مدرك في جدوداًعريبـــــــــــــــــه
واحذر تباري لابسات الدلالــــــــي =ومن يتبع النسوان ياكبر عيبـــــــــــــــه
الا تجود في دروب الحلالـــــــــــــــي =عز ومعزه والعرب تغتريبــــــــــــــــه
وراحم وصاحب طيبين الرجالــــــــــي =اللي يـــــــحلون العلوم الصعيبــــــــه
فكاكت المضيوم لاجاء الجدالـــــــــي =لاجاء نهار فيه روعه وريبــــــــــــــــــــه
ولااحتمى شر العرب للقتالــــــــــــــي=ابعد عن اللي بس يشمت نصيبــــــــــه
ارعه ردي مافيه قولاً يقالـــــــــــــــي= ردي خال وجد ماينغزيبــــــــــــــــــــه
واوصيك تقوى الله في كل حالــــــي =طبق كتاب الله وسنة حبيبــــــــــــــــــه
وارع الكرم بالحيل طيب وغالــــــــــي= لاتقول يفقرني وثماً تعزيبـــــــــــــــــه
ارعه يعزك عند كل الرجالـــــــــــــــي =هذا يسولف به وهذا يحكي بــــــــــــــــــه
لاتقول لني جدت بيضيع مالـــــــــي =ولا راح مالي عاد انا كيف اجيبــــــــــــــه
الرزق عندالله عزيز الجلالــــــــــــــي =مضمون عندالله بعلمه وغيبـــــــــــــه
وصلاة ربي عد برق الخيالــــــــــي =وعداد من زار الحرم يم طيبــــــــــــــــه
وعلى رسول الله صلوا بحــالــــي =نبينا اللي للــــهدى نـــــقتدي بــــــــــــــــه