السلام عليكم ورحمة الله وبركاته
هذه القصيده/للشاعر:عايض بن حمدان النميري السميري الجهني
وهي ردوده على زاكي بن عليثه العطوي الجهني
وحيث انهم كانوا جيران وشد عايض بن حمدان وعندما شد بدأ زاكي بن عليثه وهو يتذكر الجيره وقال قصيده/
يقول في مستهلها:-
شد النميري ومابقت غير داره **** الله يردك يالنميري علينا
وهذا هو مشد القصيده الذي رد عليه عايض بن حمدان بقصيدة ردود على هذا البيت
ويقول في مستهلها:-
قال النميري وانبدأ رأس قاره***** ياراكباً من فــــوق طلق اليدينا
حراً لينه قام بأول نهــــــاره***** يلحقك للي كـــــم لهم مبعدينـــــا
ينصى لزاكي عقب جانا قراره**** ساس الشيــــوخ ومنوة الغانمينا
البعد عنكم يالبناخي خســـاره***** وانا باشـــوف اليوم كأنه سنينا
وانت ولد حراً وساسك نماره***** ونشره على مثلك وتشره علينا
مدام شددنا الدهر واغتياره***** اسمح لنا ياشوق صافي الجبـــــينا
ياشوق من هي مامشت بالدعاره**** ومن ساس قوم جدودها الاولينا
رحنا ندور العشب يم السداره ***** نبغى ندله مقرعات الحنينـــــــا
وقدامنا كم واحد الوقت داره ***** وابعد عن اللي لشوفته مشتهينــا
خلّ هلاله تشد عقب الحضاره***** وراحوا توال الغرب متوجهينـا
كبوا مسيل العيص واخلت دياره**** وقفوا لتونــــس كأنهم شاردينــا
وافنى بني تعمر وساس السعاره**** اللي على شــط البحر حاكميــنا
وراحوا شتات وفارق الحي داره**** ولابــــــد حنــا مثلهم رايحيـــنا
وتاريخهوا للي يتعبر اعبـــاره***** وبعض العرب مايعتبر لابلينــا
وصلاة ربي عد ليل ونــهاره***** على محـمد سيــــــــد المرسلينــا