يالله أنا طالبك وفقني على علم الصــــــــواب =واحسن لي الاعمال قبل النفـــــــــس تسكن دارها
واخلص لي النيه وحسن القول قدام الحساب =أنته عليم بنيتي وتعلم خفي اســــــــــــــــرارها
وانك تعز المملكة في حكم عزيز الجناب =عبدالله اللي لنتخا أضفا عليها اســــــــــــــتارها
شاعر وأمثل عزوتي واتعب على عزف الصعاب =استفرد الجزله وحدها وانتقي مضــــــــــــــــمارها
والهاجس اللي هامته ماتعانق شموخ السحاب =مايحرك اشجوني ولا هو يستبيح أفــــــــــــــكارها
يامرحبا ترحيبتا تاقف لكم فى كل باب =العود الازرق طيبها وقدر الرجال أشــــــــــــــــعارها
ويامرحبا بضيوفنا ترحيب من بعد الغياب =ترحيبتا كيف النشاما للضيوف بهـــــــــــــــــارها
ويامرحبا بكل الحضور اعداد من كبر وأناب =ترحيبتا تبقا أبيه وافيات أشـــــــــــــــــــبارها
ويامرحبا بارحامنا ترحيب مايهرم شباب =يبقي على طول الدهر شعله ما تطفي نارهـــــــــــا
بلي هل الوقفات يوم الوقت مايقبل عتاب =هم فزعت المضيوم يوم القوم تنخا خــــــــــــــيارها
كم بيرقا كزوه بنحور العدا والدم راب =وثار المشوك كنه المزنه تهل أمطـــــــــــــــــــــارها
وحالو على البل وزغرتن بالنصر تلعات الرقاب =وتباشروا وأم الحـــــــــــــــــــــوير أرزمت لحــــوارها
ويامرحبا فى ربعنا حضورهم ولي غياب =أنتم نجوم الحفلة اللي شعشعت بانـــــــــــــــــوارها
وحنا هل الامجاد يوم الموت بنحور الركاب =نرعابها دار الخطر اليا زها نــــــــــــــــــــــــوارها
أطرف جهينة فى نضر عيني شموخه كالهضاب =حيث الرجل قبيلته يحرص على مقــــــــــــــــــدارها
واصغر سميري فى نضر عيني صقر ماهو عقاب =لان الفؤاد بحبهم واحه تفوح أزهــــــــــــــــــــــارها
وهذي تراها نظرتي أصنع لها العجب العجاب =بقول المثل ذي نظرتي والناس معها أنظـــــــــــــــارها
وكل القبائل والنعم والعلم وثق فى كتاب =بشيوخها ورجالها وأصغارها وكـــــــــــــــــــــبارها
وصلوا على محمد شفيع الخلق في يوم الحساب =الهادي اللي سنته حنا دروع أســــــــــــــــــــوارها

ياهـاجـســي حـان الــوعد للـوعـد قــوم = شـد الــحزام وشب نـار الـفـتــيله
حـان الــوعد في لازمـك ونت مـلــزوم = مـلزوم في شـد البيــوت الـجــزيله
بمـناسبـت حـفــل كـريـمـيــن وقــــروم = فـي لليـلتاً تسـوى ثمـانيـن للـــــيله
عند الكـريم الي عن البـخـل محـشــوم = كــريم سبـلا فـالليـال البــــخــــيله
نجماً ليا عـدو هل الـعــرف بالنــجــوم = مســلـم أبــو غـازي مـزبن دخـيله
وليهــون غازي ياعسى عمـره إيــدوم = راع المـواقـف والـعـلوم الـجـمــيله
الي لـضيــفه مـامـلن عـينــه الكــــــوم = عقلـه على درب المـراجـل دليـــله
والشبـل مــن ذاك الاسـد شي مفهــوم = مـجــوداً سـاسـه عسى الله وكــيله
بمنــاسبتــهم قـلــت والقـلــب مزحــوم = مـن فــرحتاً وزن الجبـال الثقــــيله
يامــرحبا ترحيـب ضـافـي ومـدعــوم = فالبـن الاشـقـــر والعويدي وهــيله
يامــرحبا ترحيـــب مايقـــبـل الســوم = اعــداد ماهــلـن ثعــول المــخـــيله
واعداد ماطيـر الوحـش يدرج الحــوم = واعــداد مــاواد ارمــه سال ســيله
يكمل فرحنا احظـوركم ماهي علـــوم = هذا الصحيــح وعلمــنا نحتمـــيله

مبداي بسم اللي رفع بالسما الطير =برفيف جنحانه بريشن رصفها
بسمه اسمي و ابتدي بالتعابير =بشعور ما توصف ولو جيت أصفها
لو قالوا المليون بتفوق تقدير= عملة ذهب من حاتمين صرفها
في حفل بن لافي رفيق المشاهير =درب الرجولة و المعالي شغفها
مسلم ومسلم و الديانة على خير= بزهور ريحانن يمينه قطفها
ما صك بابه واشتموه المسايير =طبيعة لابوه قبله عرفها
من روس قومن يدفعون المعاشير= تاقف الياصار الخطر في طرفها
عيال السميري يوم سوق المظاهير= سلايل جهينه عظيمن وصفها
لهم كذا وقفات ورد و مصادير= وقفات عز وتعجب اللي وقفها
جهينه صقور بالمعالي نوادير= اسهومهم روس النشامى علفها
يوم سوقة الأضعان سبار و مغير= تفك قطعان مشت في كنفها
هداتهم يشبع بها الذيب و الغير= أسلاف تمشي بالمثل عن خلفها
للنار نار وبردهم من زمهرير= لا طوحت بيض العذارى غدفها
من بعد هذا و المثايل قواطير= مثل الركاب ومن عصاي أعاسفها
لبيت لدعوة و قدر المناعير =عوايدن بين الرجال اتعرفها
منشانهم سرب النشامى طوابير= بعد الديار يهون مهما كلفها
هذا و أنا شاعر و من عزوة امطير= فكري على شرد القوافي قصفها
امطير يومن الليالي كواسير =كم خفرتن ردو لهلها اعطفها
المعجزات القاهرات الأكابير= بأفعالهم و أمجادهم من صدفها
القوم منهم يدركون المخاسير= تقول عصوفن عليها عصفها
صالت علينا الترك حمر النواقير= قمنا لهم قومة لعنا جدافها
نعم حذفنا روسهم داخل البير= كذا تقول امطير تحمي شرفها
راحت شرايدهم تعض الأظافير= تاكل بقايا الميتة من هجفها
وكل القبائل نعم من دون تقصير= و العذر لو زليت واسف لأسفها
واليوم أمان ونعمة ياجماهي=ر في ظل حكامن خلف عن سلفها
حكم السعود أهل السيوف البواتير= تبت يدين الحاقد اللي حذفها
الشلة اللي يزرعون المسامير= من ذنبهم ربي تعالى كشفها
النصر لنا و الأعادي مدابير =و السيف من حكم العدالة شطفها
صلاة ربي عد وبل المزابير =غر المزون اللي رعدها رجفها
على الرسول اللي طلع بالتباشير= أدى الرسالة و الضلالة نسفها

في ماقفى عند الرجاجيل الأجواد = يوم المواقف مالها غير اهلها
انا على الميقاف في كل ميعاد = وأنا المـــــواقف لي وانا جملها
سلام مثل المـزن لاسار منقاد = لاسيـــــل الوديان واروىجبلها
سلام تسليماً بلاعد واعداد = وان عودة للــــــــعد ندبل دبلها
أعداد من فالأرض لاحد بغداد = من الرجال اللي يشــــرف قبلها
قلته وأنا في حفل راعين الامجاد = اللي على الطاله ينومـس عملها
تاريخهم تفخر به أجيال الاجداد = قبيلتاً فالوقت ما حــــــــد جهلها
قبيلتاً من دون ناشد ونشاد = والكلمة الجـــزله على من عقلها
لاجا دنهاراً فيه وقفه على الماد = تلقى السميري وقفتــــه يحتملها
تلقى السميري زايد براسه عناد = لاجاءنهار مصامخ الروس قلهــا
على العدى سيوف رهيفات وحداد = يرقى سنود ومكسـبه في سهـلها
وعلى العدى مرصاد واشد مرصاد = ويا طيبها ويا قشرهــا في زعلها
وفوق السنام ألهم معزه ومقعاد = والعقده القشرى على من فتلهـــا
ومبروك يا غازي عسى أيامك أعياد = ويا الله عسى نفسك تحقق أملها
الطيب ورثه فيك هجري وميلاد = مثل السيوف تعز من هو صقلها
وأبوك فيه الطيب يفخر ويزداد = والرجل يذكرفي فعولاً فعلــــــها
ولآ ذكرو أهل الجود وش عاد وش عاد = مسلم لحق لطايلات أوصـلهــــــا
عندي عليها أثبات وشهود وأسناد = عند الرجال النعم لــــــه يستهلها
نباه لضيوفه يكفي عند الزاد = عسى يمــنية ما يجيها شللـــــــها
له وقفتاً بين الرجاجيل وشداد = ومجوداً سيــسانها عن خللـــــــها
مرسى واظن الأرض ترسى لها أوتاد = ويلقى العلوم الطـــيبة من بذلها
وأفخر وانا في حفل خالي وقصاد = شاعر وادور فالمــــعاني أجزلها
وانقى بيوت الشعر عن كل نقاد = أنقي سمان الشــــعر واترك هزلها