كبوة جواد
( كبوة جواد )
على الله توكلن ونزف الحبر مهمـــوم .... سألني من اولـــها وش اللي على بالك
اخائل هجوسك صافيه والمجال غيوم .... على الله على الله قلت صــبرك وتصفـالك
سنين العمر يومين لك يوم لكن يـوم .... تصــــــبر على مافيه والــعز في جـالك
حقائق اكيده ماهي اطياف ساعة نوم .... اذا قل عــــزمك قل بالــــــــوزن مثقـالك
توصف مقاديره رماحآ وزرق سهوم .... تصيبك بدون تعـــــرف من كان خيــالك
بها العافيه تلبسك ثوبآ بدون كمـــوم .... تزينك بثابك وغتــــــــــرتك وعقـــــــــالك
يعثر القدم ونقول كبوة جــواد يقوم .... وكم هو تعثر ياقــــدم بالخطــــــــا امثـــالك
ولا يمكن يدوم الفرح والحزن مايدوم .... يدوم الذي قدمت من صــــالح اعمـالك
اقوله وانا لاني بكامل ولا معصــوم .... ولكن نصيبي قولة آميـــــــــــن بدعـــــالك
اخوكم/ عبيد السميري
شاعر ملوك العقيده
|