ياصاحبي صاحت أعصابي(وش اللي بقى؟)
................. حتى الزمن ما ملأ عينه "ضياع العمر"
في حاجتي له غفل وأستغفل((آه))الشقا
................. يا((آه))لا تشتكي لون الشكاوى حَمر .. !!




ياصاحبي من صدودك داخلي أتحرقا
................. ما عاد فيني(نبض)وعروق(قلبي)جمر
وشلون تجفا..وتجفا صاحب(ن) ما هقا
................. من روحك الطيّبة غير"المزن ينهمر".. !!



ياصاحبي (لا تنام) إلا و(قلبك نقا)
................. خلّ البشر لأرضها..وانت بسماها قمر
إنت النخل شامخا..إنت النخل باسقا
................. أرطب على أفواههم من دانياتك(تمر)..!!



ياصاحبي (لا تلوم)اللي عليك أشفقا
................. وأشفق على اللي من الحسرة وريده ضمر
أدنى العرب لا توهّم بالحسد وأغرقا
................. أصبح نهاره كدر..وأمسى بـ(ليلة سمر)..!!



ياصاحبي (لا تغرّك)رفعة اللي رقى
................. بعض البشر من على كتوفي رقى واستمر
يا سارقين الجهد .. يا ناهبين السقا
................. زهر"التعايش"ذبل..يا كيف نجني الثمر..؟!



ياصاحبي وش جنينا من"وعود اللقا"
................. ما غير..(نفسك تضيقي)و(الثياب اتشمر)
أطرد ظلام المسا .. دام الصبح أشرقا
................. وأبشر بـ كلي..(من عيوني)وتامر أمر .. !!