البخل طبعاً مستحيل علاجه

هذه قصيدة للشاعر الكبير رشيد الزلامي

البخل طبـعا مستحيـل علاجـه ، ، ، ، ، والجود طب لكل الامراض وعلاج

جيت الرفيق الي بشوش حجاجـه ، ، ، ، ، الي بحزات الرخـا مثـل هـداج

والا بوقت الضيق مثل الخواجـه ، ، ، ، ، سلم العرب عنده خرابيط وازعاج

قال العلوم وقلت طـلاب حاجـه ، ، ، ، ، ، حاجة يسر ماهي بتكليف واحراج

ان كلفت يكفي العـذر والمواجـه ، ، ، ، ، وان كان جت من يسر صاحبك محتاج

واومى براسه مثل راس الدجاجه ، ، ، ، وهزالمتون وراح وجهه كما الصاج

واقفيت من عنده مطفي سراجـه ، ، ، ، ، لي غاية ماعطيتهـا كـل هـراج

عرض العلوم لغير اهلها سماجـه ، ، ، ، ، والصاحب الطيب له الدرب ينعاج

كل ازمة يأتـي بعدهـا انفراجـه ، ، ، ، ، ، ياليت كل اصحابنا مثـل سهـاج

الصاحب الـي ماتعكـر مزاجـه ، ، ، ، ، ولا حط له كثر المعاذير منهـاج

والا الردي صيده يضيع بعجاجـه ، ، ، ، ، ماتسبقه في سرعة الروغ ميراج

صح لسانك ابوحسان مبدع دائم في مواضيعك والشاعر رشيد الزلامي شاعر معروف
خاصه انه من شعراء القلطه
شكراااا لك وننتظر المزيد من مواضيعك الشيقه
وخاصه في مجال الشعر

شكرااااااااااا

اسمح لي ابدي اعجابي بقلمك وتميزك واسلوبك الراقي وتالقك

شكراً على القصيدة الرائعة

صح لسآن الشآعـر وسلمت يمنآ نآقلهـآ
ذوق في الآختيآر طـرح رآئع ...
لآتحرمنآ جديدكـ

مشكور أبو حســــــــــــــــــــــــــــــــان على هذه الابيات الشعرية ونأمل أن تكون النقل من مثل هذه المواضيع الجميله .. وموفق أن شاء الله

أسعدني مروركم العطر

عرض العلوم لغير اهلها سماجـه ، ، ، ، ، والصاحب الطيب له الدرب ينعاج

الله اكبر بيت يساوي قصيدة عاش ابوجميل

وعاش ابو حسان
انت مبدع حيث كنت

سلمت يداك يا أبو حسان

شكراً أبو حســــــــــــــــــــــان على هذه الأبيات الراااائعة
ونتمنا المزيد

سلمت يمينك أبوحسان على هذا النقل الموفق
وصح لسان الشاعر/ رشيد الزلامي

يعطيك العافيه ابوحسان وصح لسان الزلامي