السناني للزلامي : (طيعي شوري غادر الديره ولا تدخلها)

من قناة الساحه حفل زواج /محمد النمري

-()(محمد الســناني الجهني()(-

مرحبا بك يالزلامي عند من حيّابك // فالحلال اللي تحدك وانت ما تاصلها!

الزمان الله يبارك فيه وش سوابك // يظهر انه حرك اعلاها وجاب اسفلها


-()(رشيــد الزلامي العتيبي()(-

البقى ياللي ترحب في محل اصحابك // خل ترحيبك بدارك كان جيتك قلها

لا تبرق فالزمان ان جاب غيرك جابك // صاحبك لن كان اكلها انت تبي تاكلها



-()(محمد الســـناني)()-

كيف راسي بالكلام اللي يشدّ اعصابك // كني ادري عنك ترفضها ولا تقبلها

انت يا كبش الفدى لا حصلك يرضىبك // طيعي شوري غادر الديره ولا تدخلها



-()(رشيـــد الزلامي()(-

لا تخل النار تحرق غترتك وعقالك // العن الشيطان وخيار العلوم اولها

يالسناني لك سنه وان تحث اركابك // المسافه فادحه وان طعتني عقلها



-()(محـــمد الســناني()(-

فتنة العالم تراها كلها باسبابك // مشغل(ن) نفسك وخلق الله تبى تشغلها

انت لك مدة سنه وانت مقفل بابك // الضيوف الناصيه عيت تستقبلها


-()(رشـــيد الزلامي)()-

انت ابو كل المصايب مير ما يدرابك / وان نصحتك قلت انا بن غنيم راعي البلها

صح لسانك ومشكوووووووووووووووووور

السناني والزلامي دائماً مبدعين

مشكوووووور والله يعطيك الف عافيه