عزاه يانفسٍ

عزاه يـا نفـسٍ هواهـا جبرهـا

كما جبر حر الظما مفْخِت الجيـش

ورّد عدود القـوم نـاسٍ خطرهـا

يوم استغـاب ويبّسـن النشانِيـش

من حر لا هـوبٍ بكبـده سعرهـا

شيّء عواره ينهش الكبـد تنهيـش

هنـى مرتـاحٍ حياتـه شكـرهـا

من نشوته ما تل قلبـه ولا نيـش

نفسه ليـا عاسـم هواهـا قدرهـا

عن المحبة ناقـلٍ قلـب درويـش

ما ذاق لـذات النفـوس وكدرهـا

ولا عذبنـه ناقضـات العكاريـش

نجل العيون اللي مـلاحٍ صورهـا

للي غلاهن فتـش القلـب تفتيـش

إن لجلجت لك في سهاوى نظرهـا

والهرج منها بالاشـارة تناويـش

إن صافحت زم النهد عن نحرهـا

وان شاهدت تجذبك خرس مراييش

والله لو قلبـك يقاسـي صخرهـا

إنّهْ هو المبسوط والين من الريـش

كل اللـوازم سجهـا واختصرهـا

نسى الوصاه وصار بالفكر تشويش

والله لو لـه حاجـة مـا ذكرهـا

وليا ذكرهـا فايتـه قـال حتيـش

داوى بسكراتٍ علـى الله خبرهـا

شهد تساقـاه القلـوب المعاطيـش

شهدٍ حلاته مـن عرفهـا ذكرهـا

غيره دوا لمعذب القلب مـا ميـش

في ساعة عند الثنيـن محضرهـا

تسوى وتكفى عن جميع المعاويـش

اللي بنفسـه كلمـةٍ مـا قصرهـا

من الراس ما يحتاج كز المطاريش

دارت مشاريـهٍ بعيـدٍ ضررهـا

فتنات غيظٍ من قلـوب هشاهيـش

أول دعاويهـم كـبـارٍ عبـرهـا

من عظم وجلاهم تصور مداهيـش

وتالى دعاويهـم تساهـل قشرهـا

بعذرٍ ونهتٍ حمش الكبـد تحميـش

ليت المحبـة مـا تغيـر سيرهـا

وإن الهوى يحجب عن النذل والديش

يُفتَك من نـاس غلطهـم دمرهـا

صاروا بها غزو مديـد حواشيـش

مما راقلي

الله يعطيك العافيه أخي هبوب الشمال
ومشكور على نقل القصيده الرائعه
ولا تحرمنا جديدك

[type=835810]يسلموووووووووووووووووووووووووووو[/type]
على الموضوع

يعطيك العافيه اخي هبوب الشمال

الهواوي
صعب السؤال
صقرالمملكة
اسعدني مروركم الرائع

قصيده رااائعه

سلمت على النقل هبوب الشمال

يعطيك العافية نزف الروح على المرور

ذائقه اعتلت لقمة الذوق
وكلمات نسجت اروع المعاني
اسجل اعجابي بطرحك...
لاتحرمنا جديدك
بانتظار المزيد من ابداعاتك..
لك ولذائقتك خالص احترامي ..

تسلم اخي الموج يعطيك العافية