قصيدة لشاعر سعد محمد الســميري فى حفل قبيلة جــهينه لقبيلة بــلي

مناسبة القصيدة فى تاريخ 6 -11- 1435هـ بحفل قبيلة جهينة لقبيلة بلي

[poem=font=",6,teal,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

قال السميري والسميري اليا قال = قوله وفعله يتفق مع مباديه
يتعب على علم الوفاء بكل الاحوال = وله نظرة بين الخلايق تقديه
له فى بحور الشعر بصمه ومدخال = ويازن بيوته قبل ينظم قوافيه
دعاني الواجب ولبيت بالحال = وليا دعاني واجبي جيت ألبيه
من شأن ربعي قمت فارس وخيال = ربعي جهينه ذكرها نفتخر فيه
قبيلة تطنخ كرم طيب وأفعال = بين القبائل قدرها الله معليه
وقلوبنا للضيف مسكن ومنزال = والضيف ضيف الله نحشمه ونغليه
ويامرحبا ترحيب ينشط له البال = بالحفل وأهل الحفل واللي حضر فيه
ترحيبتآ تنشئ كما الغيث همال = اليا استهل بدار تخضر نواميه
يامرحبا ترحيب اغلى من المال = والذ من ذوب العسل من مجانيه
فبلي هل الطولات ماضين الافعال = رجالهم يفخر بذكره وطاريه
قوما لهم فى صفحة المجد مدهال = وبيت المعزه ماتهزهز مبانيه
من سابق الايام باقي ومازال = يذري الدخيل اليا لجابه ويحميه
أهل البيارق يومها حروب وقتال = تاريخهم معروف كلآ دراء فيه
وحنا قضاعه قصرنا عز وظلال = بأمر الاله مثبتاتآ رواسيه
بأفعالنا نأخذ ونعطي ونكتال = وناطا الوعر والدرب لو طال نمشيه
وإن جاء نهارآ فيه للجيش زرفال = عدونا نلحق دمه مثاريه
وأرجو السموحه كان ماوفيت الأبطال = أهل المراجل فعلهم صعب نحصيه
ولاهضم حقوق الغير والحق ينقال = كل القبائل قدرها نفتخر فيه
وصلات ربي عد ما واديآ سال = على نبيآ حقق الله مساعيه

[/poem]

الشاعر / سعد بن محمد بن مبيرك السميري

قصيده جزله

شكرا لك على طرح القصيده