ياابـــوي لا يغــسل جثتي غيرك..

يابوي ليه تبكي كل ما شفتك وعينـك لـي
تخاف أموت يابوي ... وقبــل الموت تبكيني

تكفا يابوي لا تبكي وأنا موجود معك وحـي
أجل بعد الرحــيل أشلون في قبري توطينـي

ابوي لو تموت الناس ماتسوى دموعــك ذي
وأنا يابوي ميت قبل أموت وأنـت محيـينـي

قسم بالله يابوي لجل عينك شربـــت الغـي
جـرعت الهم والحرمان وبحر الويل يسـقينـي


تحملت السنين اللي طوتني في عذابي طــــي
وصار الجمر بكفوفي .. وتحــت أقدام رجليني


يابوي ماعلى عمري حسافه ولا بــقا بي شي
ولكـن بطلبـك يابـوي تكـفـا لا تخلينـي



يابوي مابي غيرك يغسـل جثتـــــي بالمـي
وتكــفا قبل لا أتكفن .. يابوي فكلـي عينـي


بأمر الله يمكن ألمحك وأرحــــل في عيني ضي
وودع وجهك الطاهر مع دنيـــاي وسنينـي


وخل الناس تحملني وترفع راسي ورجــــلـي
وتأخذني على قبري وتكسب أجرهـا فيــنـي


وأذا جيت القبر يا بوي نزلني شوي شــــوي
ووجهنـي لبيـت الله .. وقبلـــه المصلينـي


وحط الطين وأدفني وعز اللي يعـزي فـــي
ثلاث أيام يابـوي .. يواســـوك المعزينـي


ورابع يوم يا بوي تذكر .. ضحـــكتي وعني
تذكر وش كنت أقول يـوم أنــك تنادينـي


تذكر يوم كنت أنام في ظل النخـل والفـــي
تجي يمي تصب الما..على وجهي وتصحــــيني


تذكر جرة الموال وصوت في حبالـه كــــي
تذكر يوم أغني لك قصيدي وانت توحيـــنـي


تذكر ضحكتك لا قلتلك يابوي عــشقي هـي
تذكر كم قصيدة خافيه مـا بينـــك وبينـي


تذكر كل شي كان وأذكر يـوم انـــا حـي
ولكــــــن أسالـك بالله يابـوي لا تبكيني

قصيده مؤثره ورائعه جدا

مبدعه اختي نزف الروح وتسلم يمينك على النقل المميز

لا تحرمينا جديدك والجميل

تعجز كلماتي عن وصف طرحك الرااائع..
فأنت دوما متمـــيزا بإطروحاتك.

لاحرمنا من فيض إبداعاتك..
تقبلي إطلالتي المتواضعه..
لكـ ودي..

يسلموووو أخوي همس القلم على المرووور الحلو

يسلمووووو بشموخي تحديتكـ على المرووور الحلوو

[flash1=http://dc05.arabsh.com/i/02483/rra33ph26vaz.swf]WIDTH=400 HEIGHT=350[/flash1]

قصيده رائعه ومحزنه في نفس الوقت
يعطك العافيه نزف الروح

قصصيده في قمةالرووووعه ومؤثره

تسلم يمناااك

لا هنتي

لكِ ودي

يسلموووووو على المروووور الحلو

قصيدة رااائعة ويعطيك العافية على هذا الطرح ....كلمات رائعه وحزينه

يسلموووو المجروح على المرووور الحلو