بيتين من ابو سلطان لزميله / خالد المطيري

هذه عباره عن بيتين موجهه لزميلي خالد المطيري وذكر لي أن الأبل في القصيم فأرسلت له هذا البيت

ياخالد مذيكر وش علومك بعد رحت القصيم *** وأنتم هل البل من قديم الوقت ولا هالسنه

تقبل الأبـيـات يا ذيـبـان من شـاعـر غـشيــم *** وأن كان ما طابت لك الأبيات خله ولحنـه

فرد خالد المطيري :

علومنا يا صاحبي تسعدك من فضل الكريم *** اسرح ورى ذوداً خذا قلبي بحبه واسكنـه

والبل ورثناها من الشيبان بالعصر القديـم *** ما طبت بسوق الشريطية ولا المتشرطنه

فرديت :

والـنعــم فيكم ما دخلني شك والله الــعـظيـم *** لكن مزحنا والـبــلاء بابليـس يالله تلـعـنـه

وانتم هل البل ما خذوها منكم عيال الحريم *** يوم أنها بالسيف الأملح والولد دون وطنه

محاورة جميله واثراء رائع لساحة المنتدى
من الشاعر الكبير / دخيل الله السميري
والشاعر خالد المطيري
ربي يعطيكم العافية

شكرا لشاعرين المبدعين / ابو سلطان وخالد المطيري على المحاور الرائعة

وابيات جميله

ننتظر جديدك القادم ابو سلطان كما عودتنا

وبالتوفيق للجميع

صح لسانكما شعراء كبار
ربي يعطيكم العافية

صح لسانك شاعرنا الكبير ابوسلطان على هذه المحاوره الجميله مع الشاعر خالد المطيري
ونتمنى من شاعرنا الكبير ابو سلطان ان يستمر في طرح قصائده الجزله
وهذه المحاوره الممتعه تدل على المخزون الشعري لدى شاعرنا المبدع
وانه يستطيع كتابة الكثير من القصائد الجزله حسب علمي
ونرجو منه طرح جميع قصائده القديمه والجديده
ولايحرمنا من جديده
وفقكم الله

اخواني / sumiry ,فارس الصحراء, طير شلوى,ابو لمياء
اسعدني مروركم وتقبلوا تحياتي

يعطيكم العافيه اخواني أبوسلطان وخالد المطيري


على الابيات الرائعه

استمر في طرح القصائد المتميزة