الموت حق

لا اله الا الله محمد رسول الله صلى الله عليه وسلم
اتركم مع الابيات

جاني وانا في وسط ربعي وناسي *** جاني نشلني مثل ما ينشل النـــاس

مني نشل روح تشيل المآســـــــي *** تشكي من ايام الشقى تشكي اليـاس

اثر الالم في سكره المـــوت قاسي *** ماهالني مثله وانا انسان حـــساس

جابوا كفن ابيض مقاسه مقاســــي*** ولفوا به الجسم المحنط مع الـراس

وشالوني اربع بالنعش ومتواســي *** عليه ومغطى على جسمي البـــاس

وصلوا علي وكلــــــهم في مــآسي *** ربعي ومعهم ناس من كل الاجناس

ياكيف سوا عقبنا تاج راســــــــي *** وامي الحبيبه وش سوى بها الياس

اسمع صدى صوت يهز الرواسي *** قولولها لاتلطـــم الخــد ياناس

قولولها حق وتجرعت كاســـــــي*** لاتحترق كل يبي يجرع الكـــــاس

اصبحت في قبري ولابه مواسي*** واسمع قريع نعولهم يوم تـــــنداس

من يوم قــــــفوا حل موثق لباسي*** وعلى رد الروح صوت بالاجراس

هـيكل غريب وقال ليه التــــــناسي*** صوته رهيب وخلفه اثنين حـــراس

وقف وقال ان كنــت يانـمر نـاسي *** هاذي هي اعمالك تقدم بكـــــراس

ومن هول ماشفته وقف شعر راسـي *** وانهارت اعصابي ولاارد الانـفاس


أكثروا من ذكر هادم اللذات

تسلم اخي هبوب الشمال على القصيده الموثره

تسلم اخي ابو هاشم الله يعطيك العافية

يعطيك الف عااافيه
اخي هبووب الشمال
ولاننحرم من
جديدك

اسعدني مرورك كيان يعطيك العافية

وقعت هذه القصيدة بيدي قبل سنوات

فحفظتها ورغم مرور السنين إلا انني مازلت أحفظ الكثير من أبياتها

وليس ذلك إلا لوقعها في قلبي

قصيدة مؤثرة بحق

ويبقى الموت حق على جميع البشر

فلنستعد للرحيل

بارك الله فيك أخي وجزاك خيرا الجزاء

تقبل مروري

واثقــــــــــــــــــــــــــة الخطـــــــــــــــــــــــوة

مشكوره اختي

قصيده رائعه
الله يعطيك العافيه
أخي هبوب الشمال
متميز في حسن اختيار القصائد
لا تحرمنا جديدك

مشكور اخي الهواوي اسعدني مرورك