الصراحه مزعجه

الجبال اللي تزحــزح ما تزيح === و الغصون أدنى هبــوب تزولها
اعتنز على جــــــبل و لا تطيح === الجبــــــــال تذرّي اللي حولها
و الصراحة مزعجة و أنا صريح === تزعجك ما تزعجــــك بآقولها
شــــاعرٍ موهوب و لساني فصيح =و سابحٍ عرض البحور و طولها
و الأفاعي روســـــــها تندح نديح =و العقـــــــارب سمّها في ذيولها
ما على الدنيا ضميرٍ مســــــــــتريح ===كل خـــلق الله تعن خيولها
ذا يون و ذا يحن و ذا يصــــيح === و ذا يخطّف راسها و رجولها
و الشعر .. هذا قبيح و ذا مليح === و كلبوها ســــــاريٍ مفعولها
اجلد القبيح في وجه القبيح === و قول وش رايك؟ و أقول أصولها
و إلا أنا ما قد مدحت إلا المديح === الجمـــال اللي تشيل حـــمولها
و الصراحة مزعجة و أنا صريح === تزعـــجك ما تزعجك بأقولها
و إلا تدري ما يصح إلا الصحيح ===خاطب العـــالم بقد عقـــــولها

---------

الجبال اللي تزحــزح ما تزيح === و الغصون أدنى هبــوب تزولها
اعتنز على جــــــبل و لا تطيح === الجبــــــــال تذرّي اللي حولها

يعطيك العافية اخوي النداوي

تسلم اخوى النداوى على نقل القصيده الرائعه

قصيده من اجمل القصائد التي قرأت
الله يعطيك العافيه أخي النداوي

شكرا لكم على المرور والاعجاب على هذه القيصده الرائعه لشاعر سلطان الهاجري

يعطيك الف عافيه