مرثيه الشاعر عبيد عليثه السميري في والده

#1 01-10-2011, 05:46 PM

مرثيه الشاعر عبيد عليثه السميري في والده وكانت عباره عن مراده بينه وبين الشاعر خالد فحيمان الحجوري

عبيدالسميري:
ياللي تمشى بين خبت وصحاصيح==وجميع ماننشــــد محضر جوابــه
يمكن سوالي مايبيله تصـــاريح==تفسير غرس الارض يعني سحــابه
اوقول جمع اقفال تعني مفاتيح==والصلح بين النــــــاس ساسه طلابه
الزير سالم فات عصره شليويح==لو قلتلك عاشـــــــــــو سوا لاغرابه
ان جاك مكتوبي تجيني مع الريح==وان ماوصل هاضت لحون الربابه

خالد الحجوري:
لازلت في حيره وابي منك توضيح==لجلن فيه اشيا مع اشيا تشـابه
فهمي على قدي وهرجتك تلميح==ولاظن مفروضــــــــه علينا رقابه
ياللي على جال الروى ميح واميح==خابرك لاشفت الخطر ماتهابــه
وابشر بعزك بالليال الشلافيح==بالحالتين بسلم ولاحرابـــــــــــــــــه
اتعب لمايرضيك واقوم واطيح==حتى لواصل الموت وادق بابــــــــه
لجلن صحبتنا ماهي ثلج ويسيح==بنيت على علم الشرف والمهابـه

عبيد السميري:
العلم مابه نقص كله مرابيح==طرقي وضيع حيــــــــن غفله زهابــــه
وده يلج بعالي الصوت ويصيح==ويخاف لاصوته يــــلم الذيابــــــــــــه
والدرب فيها شوك تحتاج تبريح==وساريه في ليلآ خطا الدرب اصابه
القصد راح اللي ملا القلب تجريح==روحي معه حتى وهو في ترابـــه
الناس حولي مشعلين المصابيح==لاتلومني لوقلتلك في كآبــــــــــــــه
كيف اتجمل فالصبر لجل مابيح==والعيش بين اســــــــود ونمور غابه

خالد الحجوري:
افضل دواء لهل القلوب المجاريح==واظن ثلثين العرب مادرابــــه
سجده لوجه الله تعالى وتسبيح==والسير مع نهج النبي والصحابـه
والموت بالمخلوق ممسى وتصبيح==في كل يوم يزيد منا اقترابــه
وقلوبنا تلعب سوات المراجيح==تطرد هواها بين حره ولابــــــــــه
دنيا بشر صم الجبال الصلافيح==مع قدره الله ماتعادل ذبابـــــــــــه

تقبلوا تحياتي
((الشاعر/عبيد السميري))

-------------------------------------

#2 01-10-2011, 08:09 PM

اخوي عبيد السميري شكراً لك على هذه القصيده الرائعه والجميله
التي كانت عباره عن مراده بين الشاعر عبيد عليثه السميري والشاعر خالد فحيمان الحجوري
وهي مرثيه لشيخ عليثه السميري رحمة الله عليه واسكنه فسيح جناته
صح لسانك اخوي عبيد مبدع في شعرك ونتمنى المزيد من مخزونك الشعري
فلاتحرمنا جديدك
تحيتي وتقديري لك

#3 01-10-2011, 10:11 PM

يعطيك العافية شاعرنا الكبير والله يرحم والدك .....

#4 01-10-2011, 10:16 PM

افضل دواء لهل القلوب المجاريح==واظن ثلثين العرب مادرابــــه
سجده لوجه الله تعالى وتسبيح==والسير مع نهج النبي والصحابـه
والموت بالمخلوق ممسى وتصبيح==في كل يوم يزيد منا اقترابــه
وقلوبنا تلعب سوات المراجيح==تطرد هواها بين حره ولابــــــــــه
دنيا بشر صم الجبال الصلافيح==مع قدره الله ماتعادل ذبابـــــــــــه

يعطيك العافيه اخوي ابوصالح على النقل 000000000مراده جميله بين الشاعرين عبيد وخالد

#5 01-10-2011, 10:33 PM

قصيدة وردود رائعه ويستاهل الشيخ عليثة رحمة الله عليه
شكرا اخونا عبيد السميرى على القصيده الرائعه والمحاوره المتميزه
وشكرا لشاعر خالد الحجوري

#6 01-10-2011, 11:48 PM

نشكر الشاعر عبيد عليثه السميرى والشاعر خالد فحيمان الحجوري
على المحاورة الرائعه والمرثية لشيخ عليثة السميري رحمه الله والتي
عبرا فيها باسلوب جميل وراقى ومنها :

القصد راح اللي ملا القلب تجريح==روحي معه حتى وهو في ترابــــــه
الناس حولي مشعلين المصابيح==لاتلومني لوقلت لك في كآبــــــــــــــه

ونتطلع الى مشاركاتك القادمه
ورحم الله والدك الشيخ عليثه حمدان السميري

#7 01-11-2011, 09:07 AM

يا هلا بشاعرنا المبدع " عبيد السميري "
صح لسانك ،، في الحقيقة مراده في قمة الروعة والجزاله كما هي عادتكم
رحم الله والدكم وأسكنه فسيح جناته

تحيتي وتقديري