من الدمع كااافي ...

يا العين طلبتك الدمع لا تهلينه
دام مـا عــاد لك بالخـلق وافي
/
حتى حبيبك اللي قلتي تحبينه
مجمل أحزانك من كاسه الصافي
/
خسـارة علـيه دمعـك تصـبينه
وتسـهر أهـدابك بقلب متغافي
/
أدري جــزاتي ...ما تـشوفينه
والله يرحـم بالصـبر كل خافي
/
حـروق قلب ومشـاعر دفينة
وديرة غـرام فيه الحـب طـافي
/
وشيخ عشـق ضاعت سنينه
يمشي ع دروب الشوق حافي
/
مجني علـيه ولا جـنى ألا أنينه
وجفا خلا..والجفا بالعين سافي
/
أخذ شوفك ولا عادك تسمينه
تناسي دخيلك..ومن الدمع كافي

رائعه بكل ماتحمله الكلمه من معنى
يعطيك العافيه
بنتظار جديدك

يسلمو على المرور