يالله العفو

عليك اتكالي يالله العفو والغفران
تفرّج لقلبي سبة الهم والضيقه

حمدتك على ماانزلت من نعمة النسيان
وانا عبدك اللي خايف ذنوبه تعيقه

حصل ماحصل للعبد قد قالها سلطان
وانا اللي حصل من صاحبي شي مااطيقه

لو اني مسامح واتحمل بعض الاحيان
واطّوف خطا الصاحب ولااحب تدقيقه

مااحب الخطا الجارح ولا الذل والحقران
وانا شارب(ن) من دلة العز وابريقه

هبوب الندا هزت بقلبي غصين البان
عسى خير ياحلم(ن) تمنيت تحقيقه

لكن الزمن سكّر على دربه البيبان
وانا مالي اللي الا ارضى بعذره وتصديقه

هجرني وانا توي صغير(ن) على الاحزان
وتوكل وانا ادعي له من الله توفيقه

رحل والله انه مادرى عن غلاه انسان
ولايمكن الايام تكشف مواثيقه

رحل ماذخر عن وجهي الاالدموع الوان
وانا ناشف(ن) ريقي وهو ناشف(ن) ريقه

صح لسانك على القصيدة الرائعة

اسعدني مرورك ابوحسان

صـح لسآن الشششآعر / وسلمت يمنآك

لآخلآ ولآ عددم ..~

تحيآتـي لك

مشكوره صمتي على مرورك

~&~ هبوب الشمال ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~