قصيده عن الرجوله

اذا المراجـل لبسـة شمـاغ وعقـال
قــل للـعـذاري يلبـسـن العمـايـم
مـاعـاد يـفـرق زول حـرمــة ورجـــال
دام الفعايـل تشبـه البعـض دايــم
المرجـلـة ماهـيـب كلـمـة وتـنـقـال
وتـروح ماراحـت هـبـوب النسـايـم
ولا خشـونـة صــوت اورفــع الاثـقـال
او رزة صــــدور وفــعــل الــزلايـــم
ولاهـي بـعـد مفـتـاح مـوتـر وجــوال
والا ردى لسانـن حديـثـة شتـايـم
المرجلة شيمـه عـن القيـل والقـال
رفـيـع نفـسـن حــر بـاجـو حـايــم
المرجـلـة عـقـل وزن وزنـــه جـبــال
ودون العقـل وش فرقنـا والبهايـم
يامسندي لومايـل الوقـت بـي مـال
يـاولــد أبـويــه ياعـظـيـم الـعـزايـم
يامعـرب الجديـن مـن العـم والـخـال
يانـخـوة المـفـزوع وقــت الهـزايـم
المرجلـة ياخـوي هـي طولـة البـال
هي العـزم هـي الصبـر فالظلايـم
فيـهـا الـكـرم عـــزة دلـــه وفـنـجـال
فيهاالكرامه عن ردى الطبع شايم
والديـن لامنـه خــذا القـلـب مـنـزال
مشى طريق الحق وابليـس نايـم
ومن لاعـرف ربـه فـي طيـب الحـال
لابـد وقـت الضـيـق بالـهـم هـايـم
حتـى صلاتـك مـع جماعـات ورجـال
فـي خيرهـا ياخـوي نعـم الغنايـم
ولامن نصف ليلـك قـم صفـي البـال
ياعظـم اجـرك بيـن ساجـد وقايـم
ولامـن رفـع ربـي لـه كــل الاعـمـال
حسـن الذكـر لاقالـوا فـلان صايـم
وخلك شريف القصـد ياطيـب الفـال
سـوء المقاصـد فالبيـوت الهـدايـم
واحذر تبيع النفس فـي دب الأنـذال
وتتبـع خـوي ابليـس راع النمـايـم
النفـس خيـل لــك اذا كـنـت خـيـال
ومن لاقـوى نفسـه قوتـه الهزايـم
ولاصـرت ماتـدري لـوش انـت رجـال
والله خسـارة فيـك ذبــح التمـايـم




منقوووووول

قصيدة رائعه
سلمت ياصقر المملكة
وياليت ذكرت قائل القصيدة للفائدة

اسعدني مرورك اخي الــــــــــــــراشــــــد


القصيدة للشاعرة / نوف بنت شطيط العتيبي

يعطيك العافية اخي صقر المملكة على النقل الرائع

اسعدني مرورك اخي
هــــــبــــوب الـــــشــــمــــال

سلمت اناملك اخي صقر المملكة

اسعدني مرورك اخي سعودي وأفتخر

كالعادة ابداع رائع

وطرح يستحق المتابعة

شكراً لك

بانتظار الجديد القادم

دمت بكل خير

اسعدني مرورك اخي الـــــــــــــــموج الهـــــــــــــادئ