مزحه خفيفه

ودي اسامحك لكن ودي اسامحك كيف == والعذر يرفـــــــض وحتى صـــــــاحبه ماهو بكيفه
بس قولي زائـــره واقول جاء للدار ضيف==ينتهي دور العــــــذر لاعذر له باكرام ضيـــــفه
ولاتظني قدرك الأول ولا حتى الوصــــــيف ==وآخر التـــــرتيب ما هو لك يجوز إنك وصيفه
غادريني مثل ما كنتي سحـــــابة نوء صيف==دمرت شــــوقآ تآرجح بين شارعه ورصيفه
يوم كان المنتظر منها الربيـــــع اللي تضيف ==لا ربيع وليتها اللي ســابقت موعد خـــريفه
لوحت في سيف عنتر واصبح اعزل دون سيف==وسددت طعنة غدر واكبر غدر من حد سيفه
والغريب تقول مقصـــدها من الطعنه شريف == ضمد جــــــــروحه ونادى كم بقالك يا شريفه
قالت انك لا تصـــدق في الكلام ان جاك زيف ==واعتبر ما جاك مني بالهـــــوى مزحه خفيفه
وكان ما صــــدقتني حان الوداع وقلت حيف == ولا بقالي غير دمــــعه لا تحسبـــــها ضعيفه
والله ان أحر دمـــــعه تنــــحدر لجل الوليف ==والشـــــجاعه رد دمعك لاحــــــدر وقف ذريفه
خانت حروفي وقلت لحد هذا يالطـــــــيف ==ماتوقعت المشـــــــــــــــــاعر كبتها ثوره عنيفه
واستمر الصمت لحظه صــاحبه رعبآ مخيف ==وفوض القـــلب المعنى لجله من أول حليـــفه
قال تذكر يوم كانت له عيــــــونك تستضيف==وكان مرباع الغلا يـــــربط ضــــــواحينا بريفه
شــــوف نبضات الوريد بشوقها حالة نزيف ==وكل نبضه ودها من دون يشـــــعر تستضيفه
وفوق ما بالقلب كانت صــــورته في كل طيف==والخيال تقول ماله غير تصــــــويره وظيفه
قلت اجل لو عود المعذار والعذر الـــــرديف ==وقال لاتمشي عليك اعــــــــذارها لوهي لطيفه
قلت وسع بالمجال وسوق له فنجال كيف ==وكان ما اعجبك الكلام ارحــــل ومن يرحل بكيفه

الشاعر
عبيد السميري

مزحه خفيفه
من روائع الشاعر /عبيد السميري
صح لسانك قصيده رائعه وتصوير جميل
اعجبني هذه الابيات :
لوحت في سيف عنتر واصبح اعزل دون سيف==وسددت طعنة غدر واكبر غدر من حد سيفه
والغريب تقول مقصـــدها من الطعنه شريف == ضمد جــــــــروحه ونادى كم بقالك يا شريفه
قالت انك لا تصـــدق في الكلام ان جاك زيف ==واعتبر ما جاك مني بالهـــــوى مزحه خفيفه

تسلم على الابداع الشعري الراقي

غادريني مثل ما كنتي سحـــــابة نوء صيف==دمرت شــــوقآ تآرجح بين شارعه ورصيفه
يوم كان المنتظر منها الربيـــــع اللي تضيف ==لا ربيع وليتها اللي ســابقت موعد خـــريفه

ابيات جميله
تسلم اخي الشاعر الرائع عبيد السميري
نتطلع الى جديدك القادم

صح لسسسسسسسسسسسسسسآنك
&
يعطيك الع ــآأإفيــه
&
ودي

صح لسانك اخوي الشاعرعبيد يعطيك العافيه

صح لسانك على القصيدة

صح لســــــانك

تسلم اخي الشاعر عبيد السميري
قصيدة رائعه جدا
ونتطلع دائما الى قصائدك الرائعه

صح لسانك
ويعطيك العافيه

صــــح لــســانـــك
أبيات جميلة

صح لسانك شاعرنا المميز على هذه القصيده الرائعه
ونتمنى الاستمرار في بذل المزيد في كتابة قصائدك الجميله
تحياتي لك

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~