تكفون ياللي صوب داره تمرون

تكفون ياللي صوب داره تمرون *** مرو على بيته وحطو رساله

قولو لمن حبه ذبحني على الهون *** مدري ذبحني الصد ولا جماله

تكفون لاجيتوه تكفون تكفون *** قولوا ان خلك قضى منك حاله

منك قضى حاله غدى دون في دون *** وانتا تصد ولاترد اتصاله

يسهر طوال الليل والقلب محزون *** ويجر وناته من اللي جراله

ازعج اهل بيته وجيرانه يشكون *** من ونته كلن شكى للعداله

وش ذنب منهو فيك مغرم ومفتون *** اصبح اسيراً لك وتبحث بداله

يحب من قلبه وبك صار مجنون *** لاكن وقته والزمن ماصفاله

اما تجي والحب بالقلب مدفون *** ويستر بك حاله وفكره وباله

عود قبل ياتيك ناس يعزون *** قالوا حبيبك مات واقفت اجماله

وانت السبب باللي جراله ومديون *** صاح وشهق من يوم طيفك طراله




مما راق لي

اتمنى تعجبكم

مشكور الهواوي على القصيده يعطيك العافيه

شكراً لك على القصيدة الرائعة

مشكوووور

على القصيده الرائعه

يعطيك الف عافيه
على الطرح الرائع
لك مني أعذب وأجمل التحايا ،،

أسعدني تواجدكم

يسلموواا على القصيدة

قصبدة رائعه ... يعطيك العافية

أسعدني مروركم

صح لسانك اخي الهواوي على هذه القصيده الراائعه
نتمنى المزيد منك
تحياتي لك