سيارتي موديلها بالثمانين

هايت وعايش عيشة الفقر والبين *** ترضين بي او تحذفين الاجابه
اذا حذفتيها بقى عندك اثنين *** بدون بيت وعيشتي ً بالغلابه
لاعندي اسهم لاتداول ولاشين *** الكرت بعته يوم صار اكتتابه
ماودي اجاملك من شان تدرين *** انتي ونا مافيه عنصر تشابه
انتم تشمون الزهر بالبساتين *** وحنا نحسبه ينوكل يا احد جابه
سيارتي موديلها بالثمانين *** دخانها يعمي عيونك ضبابه
وجوالي العنيد مبطي وهلحين *** من كثر ماهو طايح ابراج مابه
شريحتي شحنتها قبل شهرين *** ادق وقطع لايخلص حسابه
عقب الترف والعز للفقر تاتين *** لاتضيعين العمر باول شبابه
شاعر ومبدع بس ماينفعك شين *** وشلون لو تدرين لاعب ربابه
اقدر اسوي من قصيدي دواوين *** شاعر شباب وبس حظه رمابه
صحيح به شعار تملك ملايين *** هذاك يمشي مع سعادة جنابه
اما انا وضعي مثل ماتشوفين *** اعرف وكيل المدرسه بالنيابه
انا قضيت العمر مابين لابين *** مع البدو بين الجبل والهضابه
لاكن قنوع بقسمتي لو تقولين *** انت ابدوي اقول عز ومهابه


منقوووووووول

يعطيك العافية اخي الهواوي

لاكن قنوع بقسمتي لو تقولين *** انت ابدوي اقول عز ومهابه


تسلم اخي الهواوي

يعطيك العافية اخي الهواوي

مميز دائما

صقر المملكه
هبوب الشمال
سعودي وأفتخر
أشكر لكم مروركم
ردودكم حافز لنا

صح لسانك ولسان قائل القصيدة
ويعطيك العافية أخي الهواوي

ذائقه اعتلت لقمة الذوق
وكلمات نسجت اروع المعاني
اسجل اعجابي بطرحك...
لاتحرمنا جديدك
بانتظار المزيد من ابداعاتك..
لك ولذائقتك خالص احترامي ..