نــاحـت مـن الــفــرقــا عـليـنـا حـمـامـه... والغــصــن طــاح و وادعــه كـل عـصـفـور

ناحـت مــن الفـرقـآ .. عليـنـا حمـامـه
....................... والغصن طاح .. و وآدعه كل عصفور
عقـب الصفـآ .. حلَّـت عليـنـا غمـامـه
....................... وأقفآ الفرح..والحزن شيَّـد لـه قصـور
وجـه القـدر عابـس .. ومكثـر مـلامـه
....................... والكـسـر يــا كـبـره ولا تنـفـع جـبــور
قالـوآ تصبـر .. والصـبـر لــه عـلامـه
....................... قلت : السموحه شـيء ماهـو بمقـدور
مــا بـيـن طـيّـات .. القـهـر والـنـدامـه
....................... أرهيـك يـا شعـري وأنـا نزفـي شـعـور
ويـنـه عـديـل الــروح ظـبـي الـعـدامـه
....................... اللـي فدتـه النفـس لــو كـنـت مقـهـور
يَ أكبـر مـن بيـوت الشعـر فـي مقامـه
....................... وأعذب من اللي قيل في مجمل سطور
لبـيـه يــا صـوتـه .. ومـحــلآ كـلامــه
....................... كنـه صـبـآح العـيـد لا صــآر ممـطـور
للـي ,, جعـل فيـنـي مــن الـآآه شـآمـه
....................... وألحال مـن بعـده غـدآ اليـوم مخطـور
أحَّــاه يــا هـجــره .. وقـــل أهتـمـامـه
....................... و أوّآآآه يا قلـب(ن) مـن الهـم معمـور
لا اللـيـل يـرفـق بــي ولانـــي بـأنـامـه
....................... ماغيـر أراقـب ليـن يطـلـع لــي الـنـور
فينـي بقـايـا جَــرح .. شفـنـي هـدامـه
....................... والـهــم يآكـلـنـي ويـلـحـآنـي الــجــور
وأقـول سالـم .. غيـر مـا مـن سـلامـه
....................... ويـن السلامـه والصـدر كلـه قـبـور..

يعطيك الف الف عافيه
موضوع رااائع
وجهود أروع
ننتظر مزيدكم
بشوووق

تسلم اخي طير مبدع

يسلمووووووووووووووووووووووو

على المرور الرائع

ربي يعطيكم العاافيه

نورتم موضوعي

الله لا يحرمني من طلتكم