ماسبب سعادة هذا الشاب.؟؟!

#1 11-25-2010, 01:56 AM

السلام عليكم ورحمة الله وبركاته ..

احبتي هنا سأضع بين ايديكم قصه
قرأتها وشدت إنتباهي وأردت ان نتشارك بها
اتمنى ان تعم بها الفائده....

(هذي قصه حقيقة لطالب في احدى الجامعات في الرياض

اعرفه شخصيا لم اره في حياتي متكدر

او متضايق او مزاجه عكر او مهموم

و لايدخل عندنا القاعه الا وهو متبسم

ومبسوط ونفسيته والله العظيم لاتقارن بغيرها

والله ليس ملتزم يعني ماهو مطوع ولاهو اللي متشدد

ولد طبيعي زيه زي اي شاب من شباب الرياض

ولكن معروف عنه مايترك الصلاه ابدا يصليها بوقتها

ومع ذلك طبيعي يطلع يروح يجي

ههههههههه يموت في شي اسمه بالوت هو صديقي مقرب

اعرفه من 17 سنه مع اني اقرب المقربين له ماعلمني انه كافل

لكني اكتشفت لما ركبت معاه السياره ونزل هو يشتري من اسواق التميمي

فتحت الدرج حق سيارته بطلع شريط لقيت ظرف وانا طبيعتي ملقوف

فكيت الظرف وهنا صراحه صعقت اكتشفت انه كافل ثلاث ايتام وحده عمرها 18

ووحده 8 سنين ووحده سنتين والله اني بكيت سبحان الي يسرله هالعمل الصالح

والله ياناس مو باين عليه ابدا يوم رجع وركب السياره طبعن هو مرح جدا طلع

تويكس وصقعه بخشتي قال خذ واستغرب شفيني ساكت قال شفيك قلت ولد انت كافل ايتام؟

هو سكت شوي ضحك قال امممممم ايه

قلت امانه وشو الي خلاك تسوي عمل عظيم زي كذا

قال والله السبب واحد

اني قريت حديث عن الرسول يقول

(( انا وكافل اليتيم في الجنه كهاتين ))

واشار بيده الرسول بالسبابه والوسطى وفرج بينهما قليلاً

يقول الشاب والله العظيم ان اموري كلها ميسره بشكل ملحوظ ووالله
ان ربي ساترني ورب الكعبه ان الفلوس ماتنقصني
وابوي وامي راضين علي واقسم بالله ماقد استصعبت علي حاجه

ونفسيتي مرتاحه وكل شي نفسي فيه عندي

والله انتم ماتدرون عني اقسم بالله

اني عايش بيني وبين نفسي حياه ثانيه انتم ماتحسون فيها
ماعندي مشاكل ماعندي شي يزعـجــني

مهما اوصف ماراح تحسون في اللي احس فيه

فقلت له ابي اكفل زيك قال خلاص ورحنا اليوم الثاني المكان اسمه
مؤسسة مكه المكرمه الخيريه

هم لهم كذا فرع بالرياض والسعوديه وفروعهم هي :

مكه+المدينه+جده+الطائف+الخرج+الدلم+الافلاج+الدمام+ الاحساء+الخفجي+

حفر الباطن+حائل+الزلفي+القصيم

ورقمهم الموحد الثابت 8001249191

اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه والله ماتدرون لو انهم يحاجون علينا من النار)
..............................................

منقول

احبتي هناك اشياء كثيره تجلب لنا رضا رب العباد و السعاده في الدنيا
نحن نشتكي الهم والحزن والضيق والدواء موجود

كفالة يتيم لن تجعلنا فقراء
مبلغ بسيط يسعد احداً يدعوا لك في ظهر الغيب

اشياء كثييييره تجلب لنا السعاده ولكن نحن لانزال في غفله
لا نزال نتبع الشيطان

والى متى..
فقط وقفه حازمه مع النفس
بإذن الله سـ تُغير أشياء كثيره ...الى الأفضل

فقط إتصال لن يأخذ الكثير من الوقت
وللعلم الرقم صحيح فلا تدعو للشيطان مجال
يجعلكم تتراجعون
ومبلغ بسيط كهذا لن يجعلك فقير
بل على العكس سيبارك لك رزقك بإذن الله
والأهم ان يكون بـ نيه الخير ودعه سر لا احد يعلم به
حتى تشعر بلذه اكبر

أستغفر الله الذي لا إله إلا هو الحي القيوم وأتوب إليه