قصيدة

نطوي مع الايام عام ورا عام *** وتمر ساعات الفرح في دقايق

ايام راحت بالعمر مثل الاحلام *** يوم بها زعلان وايام رايق

درست من دنياي واتعبت الاقدام *** وبدلت عن بعض الطرايق طرايق

وكفخت بافكاري كما الطير لاحام *** وماعاقني عن ماكر العز عايق

ياصاحبي خذني معك سييف وحزام *** وياك في وقت الرخا والظوايق

اخوك بالفزعات ضاري وعزام *** يشوقني للطيب والخير شايق

وترى البشر ياخوك منقسمه اقسام *** بين الردي والطيب شفت الحقايق

لقيت من صلى وزكا ومن صام *** ولقيت منهو لاقرب الناس بايق

ولقيت من قلبه حقود ونمام *** ولقيت من قلبه يعز الرفايق

ولقيت من يملك بساتين وانعام *** واللي من الحاجه ينام امتضايق

الله خلق هالخلق ساده وخدام *** ذي دبرة الرحمن رب الخلايق

واخرك يابن ادم ترى قطعة الخام *** امر اكيد ومايبيله وثايق

يالله عسى ماكون قطاع الارحام *** وعساي من عقب القبر في حدايق

جاك الكلام وخذ معه بصمة ابهام *** ان العمر كله مجرد دقايق



وسلامتكم
أعجبتني فحبيت أنقلها لكم

يالله عسى ماكون قطاع الارحام *** وعساي من عقب القبر في حدايق

جاك الكلام وخذ معه بصمة ابهام *** ان العمر كله مجرد دقايق

يعطيك العافيه اخوي الهواوي

صح لسان الشاعر
مشكور على النقل والأختيار
يعطيك العافيه
أخي
( الهواوي )

هبوب الشمال
نفسي عزيزه
الله يعافيكم وأشكر لكم مروركم العطر

يعطيـك ـآلـعـآفيـهَ
و د ـآم عطـآئكٌ ../