فصول الحكايه

قال جل شأنه ( ولاتبطلوا صدقاتكم بالمن والاذى )
ولله المثل الاعلى
هذه قصيده باسلوب السهل الممتنع استخدم الشاعر خياله الشعري بتصوير بعض الحقائق الواقعيه وعنوانها

(( فصول الحكايه ))

قال العلوم وقلت علمي سلامتك === قال اختصرها لي وهات الحوايه

لو الجمائل تعرف الهرج لامتك === ليا متى المــــــــــوال ماله نهايه

احـــــــيان ياطيبك ويازين جيتك === واحيان يامقشر (فصول الحكايه )

معقول هذي كلها ظروف حدتك === ولا وسيله لجـــل تأصـــــل لغايه

لجلك تعيد بكل يــــــومين قصتك === حتى يمل المســـــــــتمع للروايه

الله ليا منه كتب قل راحــــــــتك === لو كنت سلـــــطانآ فقدت الولايه

دايم مع المخلوق حـــسن علاقتك === ما نزلك ربي على الناس بآآيه

ونهاية علومي علومي سلامتك ==== مثل السلام اللي سبق فالبدايه

اخوكم : عبيدالسميري
شاعر ملوك العقيده

الله ليا منه كتب قل راحــــــــتك === لو كنت سلـــــطانآ فقدت الولايه


صح لسانك اخي عبيد يعطيك العافية

يعطيك العافيه شاعرنا عبيد السميري وصح لسانك ولاهان لك منطوق شاعر متمكن وقصائدك دائماً جزله وقويه
لاعدمناك اخي على هذه الشاعريه المميزه بأسلوب السهل الممتنع
وفقك الله اخي على بذل المزيد من الابداع في بحور الشعر
للمره الثانيه اقولك مافيك حيله
وفالك العافيه

مبدع دائما شاعرنا وننتظر جديدك

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~

قصيده رائعه ونرشحك بقوه لشاعر المليون ونحنو من الداعمون لك

فالك البيريق يستاهل شاعرنا الرائع عبيد
وفقك الله

صح لسانك على القصيدة الرائعة