الى شعرا المنتدى ( الرجاء عدم الرد من الاعضاء حتا الانتهاء)

يا مرحبا في منتدى جمله حلو التماثيل *** من هاجساً يمر بالجدي وسهيل اليماني
اشوفلي بالماد هرشاً وحوله تاقف الخيل *** وانا سبوقي عارفن منجبه خير المقاني

رد من الشاعر / دخيل الله سلمان السميري

دام البقاء يالمرحب وأنت سوق البن والهيل ** لمر طرقي يبى الدله بهيل وزعفراني

والهرش نرميه بالميدان رمية طير أبابـيـــل ** نرميه بالبندق البلجيك ولا باليمانـــي

الى شعرا المنتدى ( الرجاء عدم الرد من الاعضاء حتا الانتهاء)

يا مرحبا في منتدى جمله حلو التماثيل *** من هاجساً يمر بالجدي وسهيل اليماني
اشوفلي بالماد هرشاً وحوله تاقف الخيل *** وانا سبوقي عارفن منجبه خير المقاني

-----------------------

صح لسانك

دام البقاء فيك فى وقتا غدا كله تهاويل === من ما تشوف العيون يحير بالنطق اللسانى

ان وقفت الخيل ما تاقف عزوما للرجاجيل ===بالعزم تأصل رجال العرف وتجيب المعانى

ولك التحيه والتقدير على طرح مثل هذه المواضيع المفيده

اشكر اساتذة شعرا منتدى السمره دخيل الله سلمان وعبيد السميري على ابياتهم الرائعه ..والله يجملنا معهم

الى الشاعر الكبير.. دخيل الله سلمان

لامن حظرتم بالوعد مالك ومال التفاصيل*** الضيف في حكم المعزيب لواذبح حصـــــاني

اترك هيام القفر ماهي مخسرت المحاصيل *** عان البحر نبغا نخوضه على عــــوج المحاني

رد الشاعر / دخيل الله سلمان

حنا حضرنا بالوعد وانت خل القال والقيل *** والضيف مقداره من السمن ولا عيال ضاني
وحصانك المقرود لا تذبحه سلم الرجاجيل *** تنصح بعضها وانت جاتك نصيحه من لساني

لاتدفنون السم وسط الشهد دور المقابيل *** دام النصيحه حق مشروع ما بين الخواني

لاجيت ياخاطر نباشرك من صاف المعاميل*** هاذي الحقيقه ماهي قولة فلان ولا فلااني

لا تتعب ركابك ترى ما انت لا حق راعي شعيل *** وشعيل هذا معروف والمجبد عمانــي

انت كريم وصاحبك باخصك بالحيل بالحيــــــــل *** معزب الخطار ما انت ردي يامودماني

اشوف فكرك منشغل بالنجوم اتحط وتشيل *** وانت اجودين تطلب الستر في تال الزماني

وانته كسبت الاوله ياجودي بالصبح واليل *** ما بين وراد ومصادير تشهد بالعيــــــــــاني

رد الشاعر / دخيل الله سلمان السميري

كلن يشوف الناس في عين طبعه وانته حليـل *** عشرك من صدوف الليالي تبا ترجع ثماني

والقاضي اللي بالمواقف يعرف العدل والميل *** يقول قصاص الأثر قص جرة شخص ثانـي

وشبك زعلت وقمت تقطع من حبال المواصيل *** وهي توها ترعد وتبرق على حرد المـــــواني

الي يعـــــقد الـــــــحبل لابد ياقع بالمحــــــــابيل *** والي على راسه حجر واضحن وضح البياني

رد الشاعر / دخيل الله سلمان السميري

انا سوات سهيل وانت سوات النجم ابو ذيل *** والبدو ما تجهل يا سلطان بسهيل اليمانـــي

وعلومنا طالت وانا وانت قوماً نوفي الكيـل *** لو صيتنا بالشعر ما هو مثل صيت السناني

كفو يانجم يالي تعدل معاديل ومعاديل *** ترضى بك الاخصام لا ضويت ويرفع بك العاني

شكرا للشاعرين الذين امتعونا بهذا المحاوره الرائعه التي تدل على مقدرتهم الشعريه في شعر المحاوره نتمنى لهم التوفيق وتكرار هذه المحاوره الجميله

أخي / أبو الهنوف

أخي / دخيل الله سلمان

بيض الله وجيهكم
وصح الله السنتكم
كفيتو ووفيتو
شعراء ولا فيكم حيله
فالكم المليوووووووووووووووووووووووووووووون