محاوره شعريه

هذه محاوره بيني وبين الشاعر صالح المطيري وهو أحد زملاء العمل تعارفنا في أحد الدورات في قاعدة الطائف وهذه المحاوره تمت عن طريق الجوال قبل يومين والبدايه مني

سلام الله سلام إسلام منصاه لولد عبــــــــــــاد *** عدد مالاح براق الحياء والناس فرحوبه

أنا رجلي على أهل الطيب وأهل المعرفه تنقاد *** ولاأمشي مع عباد الله والنيات مقلوبــــه

الرد :
هلا يامرحبا بالصاحب اللي للوفاء معتاد *** يسوقون العرب فنجال دله زان مشروبه

ليا مني ذكرته قلت ياليت الزمن ينعـــــاد *** سوالف دلة الرسلان والنيران مشبوبــه

قلت :
يدوم لك البقاء مليون بالمصدار والميراد *** وانا ماني بمحرم وأنت ماانت معلن التوبه

ترى ما احداً بعايش حي بالدنيا بليــــا زاد *** وصلك العلم ولا نكتب الحرفين منصوبــــه

الرد :
أنا ماني بخابر شيء واعرف هرجة الصياد *** يدور للنشب والناس ماتعطيه مطلوبـــــــــــه

ليا منك شربت الدله وقفيتها البـــــــــــــــراد *** معك علم الصور من شاشة التلفاز محجوبه

قلت :
أنا ماني بكاشف سر علياء مع ولد شداد *** ولكن الضروره باحت المحظور لو نوبه

زمنا كل شيئا تنقله تلقى عليه جهــــــــاد *** وحملك لا تشيله والعباد أنظارها صوبـه

محاورة رائعة وراقية
تسلم شاعرنا الرائع ابو سلطان
وبالتوفيق

شعراء مبدعين في كل مجالات الشعر مانستغرب منكم الجزاله
وصح لسانك شاعرنا الكبير ابوسلطان وصح لسان الشاعر صالح المطيري
على هذه المحاوره المميزه والقويه
وشعر القلطه مرغوب لدى الجميع وله جمهور كبير يتابعه في كل مكان

سلام الله سلام إسلام منصاه لولد عبــــــــــــاد *** عدد مالاح براق الحياء والناس فرحوبه

أنا رجلي على أهل الطيب وأهل المعرفه تنقاد *** ولاأمشي مع عباد الله والنيات مقلوبــــه
محاوره رائعه ومميزه
نتمنى من شاعرنا ابوسلطان الاستمرار في ابداعاته وان لايحرمنا من جديده

لانه شاعر متمكن وشهادتي فيه مجروحه
اخي ابوسلطان وفقك الله وننتظر جديدك
وتقبل تحياتي

محاوره قويه ورائعه صح لسان الشاعرين

صح لسانك محاورة رائعة

مروركم أسعدني لكم مني جزيل الشكر
الشخص دون أحباب طيراً بلا ريش *** يبغى يتعلى لكن خانه جناحـــه
وأنا بلياكم حيـــــــــــــاتي على ويش*** من دونكم جندي مضيع سلاحه

مشكور يا ابوسلطان على هذه المحاورة