كل العداله فى الشعر

هل في الشعر ظلم وعداله ومحكمه شعريه
تابع هذه الابيات وتجد الاجابه

( كل العداااله )

صحيـــــــــح لكن فالنهايات تبــــديل === حتى استحــال وجود للاستحاله

وش رايك ان قلنا ليالي مقـــــــــــابيل === تحققي بوجـــودنا يا عـــــــداااله

هيا توكل نمتطي صـــــهوة الخــــــيل === كلآ يصــــاحب من خياله خياله

شــــــبيت لك ناري وكيف ومعاميل === وان قلت ولا قلت كيـــفه دلاله

غنـــيت مطــــــــول ليلتك غن ياليل === على لسان الحبر تصل الرساله

مضمونها يرجع بوفد المـــــــراسيل === وكانه يهمك تسمعه يـــــــوم قاله

ماشــــــفتلي وان شفتلي دون تمهيل === جيتك سرور وكنت عيد احتفاله

وان غبت قلت اللي وصل فيه تكميل === وسلطن هاجـــس مرني لاحتلاله

ملت بعداااله لجل لو ما اعــــدل اميل === واميل في تحقيق كل العــداااله

اخوكم : عبيد السميري
شاعر ملوك العقيده