دبكة خيول

اليكم هذه القصيدة ارجوا ان تنال اعجابكم :


دبكة خيول الفكر فيها من الخيل === سيرة جوادآ ما خضع في استطبلا

في صهوته ولعت حرفي قناديل === هذا يشـــــــع لذاك من دون يبــــلا

وفي نخوته لبيت كل المراسيل === باقوى عـــــزوم ولا حسبت التعبلا

اوردته حياض الروى في دجى ليل === ظلام ليله ظلمة اســـباعه ابلا

لو إبـرهه في رحلته مـــــــرت الفيل === حول مساره عنه والطير قبلا

يرميه بحجارآ مسوم بســـــجيل === خسران في الرحله لو جهوده ابلا

ليه هدف سامي ولا عنه تحويل === لو تسمع اذني حـــــولها دق طبلا

العذر للي يطربنه مـــــــواويل === ولا حدا صوته (حدا الصوت لابلا )

عندي صفا نيه وهمة رجاجيل === ميقافهم ســـــــوق المراجل كســـبلا

اللي جهينه عزوته ياصل ســهيل === وعلى ســـــهيل يشب ناره حطبلا

وان مره الطرقي لقى البن والهيل === هذي جـــــــهينه ما تولي هربلا

ميراثهم من جيل لا جيل لا جيل === فخرآ عظيم وفي السجل انكــــــتبلا

ياالله في بـــــراق نـــــوه هماليل === هله على من وصف زينه نهــــبلا

وانا احـــــسبني دون قلبي زرافيل === ومع الســـــنين القفل يزداد دبلا

حطم رموز القفل راع المظـــاليل === والشــــــوق نيــــرانه بليا لهبـــلا

كلي معه وانا هنا كلي اخـــــــــيل === اني هناك بظرف رعشة هـــــدبلا

والنخوه تولع بـــــــــــــدربي قناديل === هذا يشـــــع لذاك من دون يبلا

على جوادآ ما اعسفه سايس الخيل === ولا التفت للخيل داخل استطبلا

اخوكم : عبيد السميري
شاعر ملوك العقيده