قصيدة الشاعر : فريج حمدان النميري

قصيدة الشاعر / فريج حمدان النميرى السميري ينصح ابنه سعد

البـــارحـــة عــديـت بالـرجـم جساس ***** رجم مسابيره على كل ديره
ظلـيـت بالـمرقــاب لــوقت الإدماس ***** وأشوف بالدنيا كبير وصغيره
ياسعد منك يدقني كل هوجاس ***** وأنا أعتزيبك في مواقف عسيره
أوصيك لا ترجع على العلم نكاس *****والصقر قبل الحوم يعرف مصيره
شاور وقيس الراي قدام ينقاس ***** وأرع الرجل مقياس عقله ضميره
توي دريت أن المعرفه لها ناس ***** ما كل واحد في المحن تستشيره
لا تحسب أن العرف مع شايب الراس *** العرف ساس من الرجال الخبيره
خلك على كيد المعادين حراس ***** وخلك على سؤال المحقق نطيره
لا سجل أقوالك بحبر وقرطاس ***** ثم المحقق صدقه من مديره
بعدين راحت بين حاوي وقراس ***** تبي تبصر مير ماشي بصيره
أحرص على دعواك قدام الأرماس ***** قدام تغرق في البحور الغزيره
أشوف بالمخلوق كثر التهلواس ***** الله ما في أيامنا من خطيره
أمزح مع الأصحاب والمزح غطاس ***** كل يمجد من ذلوله مغيره
الرود لا صارن الأرياق يباس *****غير الرفيق اللي تجي فيه غيره
رفيقكو لا تبيعه بكل مقيــــــاس ***** ياقف بميقافك بشره وخيره
قصدي على اللي يوحي براسه الباس *****ولا ردي المعرفه ما استشيره