غياب الهلال

( غياب الهلال )

اكبر همومك يا زمن تستوطن صدور الرجال === ما تعـــتبر فيها غريبه والصدور اقفــالها

تسرح وتمرح في مجال تمر فيه بلا مجــال === واللي سألته قال مدري بس هذا حالها

اصعب اجابه ودها تطرح من الماضي سؤال === لعلها بعد الســــؤال تعـــيش بعض آمالها

متـــردده لكنها متــــردده في طــــول بال === حتى توارى الركب عنها وارفعت مــوالها

ما تعرف ايام الشهر يا كود بطلـوع الهلال === والخــوف كل الخوف من ليله يغيب هلالها

تحتار ماتعرف جنوب وبوصلتها للشمال === وتعـــــــود مثل اول نهارآ صــــــاحبته لحالها

اخوكم : عبيد السميري
شاعر ملوك العقيده