قصيدة بعنوان الفصول الاربعة

طغى صيفه على فصــــل الربيع وزاد هم شتاه = وقــرب فصل الخريف وفيه تذبل باقي اوراقه



وجف البير من نبعه ولحق مقيط حبــــــل رشاه = سنين من العطش مالاح وســـــط الغيم براقه


قسى ولانسى مدرى تناسى والــــــــــزمن قساه = وماتت فرحته في مـــــهــدها مع باقي اشواقه


بعد صدر السعه حتى الحليم العلم جاب اقصاه = من اللي تفتـــــح البيبان له ويدق بالطـــــــاقة



وهو ماله سوى تقدير طرقي مـــــر فى ممشاه = مضارب للكـــــرم ماله جمــــــل فيها ولا ناقه



بعد ماكرموه اهل الوفاء روح يجـــــــــر خطاه = على باله يصل صــــــدام قبل يودع عـــــراقه



ولكنه تجاهل من ذكر له بالطــــــريق رمــــــاه = وهـــــومرمي من اول ماعليه بوقته لحـــــاقه



بدال انه يحمد ويشـــــــكر الله يوم منها انجاه = رجع مع دربه اللي لو نجى منها كســــــرساقه



مدام الله وهبنا العقل من يخطي يعرف خطاه = وعن المضمار يبعد دام هو خســــــران بسباقه


شاعر ملوك العقيدة
اخوكم : عبيد السميري