قصيدة الشاعر على سارى السميري

بسم الله الرحمن الرحيم
قصيده لشاعر الشاب / على سارى مرزوق السميري
أنا رفيقي كان ماجـــــــــانى اجيه*** وانشافني واغظى التمس له معاذير
يمكن لفكره مر شي وســــرح فيه*** واعمتــه عني عايمـــات التفاكيــــر
له حق اجيه واجب اني اواســــــــيه*** يمكن عليـــه من الليالي تعــاكيـــــر
ان كان حده ظرف والوقت حاديه*** اقــف مــعه بالــوارده والمصـــــادير
وقت الشــــدايد له عضيدا واباريه*** جبرا لكســـره قبل جبــــــــر الجوابير
رفيقك ليا شـــــفت عرفه مايحميه *** لاتتـــركه مخطي طــريق المظاهير
وان كان شفته مقفي احـــــذرتخليه***عــذل عليه وقــــول ما فلجــــفا خير
ماهـو بكيفه لكن ابلــــــيس مغويه ***اعماه واعمى فيــه كل التباصــــــــير
تـــراه نايم لكن حاول تصــــــــحيه*** وانشــــــــهد انك كاسب بلامخاسـير
وبعض العرب يجهل وبه جهل معميه*** أجلس معه جلسه لوحدك ولاغير
واشرح عليه الدرس جــــــهره وخافيه*** ولافيه درسا مايجي فيه تفســــير
خلك وســـــــــيع ولازعل لاتجــــاريه*** وقله تـــــرى كل الليالي مدابيـــر
به يوم نوعــــدبه وبه بـــــــيت ناتيه ***والبيت ضيق وياعسى الخـاتمه خير
والدئم الله ثم خيـــــــرا تســــــــويه*** وذكراك مابين الرجــــــال المناعيــر
اما يقولون العـــــــرب حي طاريه***مدي صـــلاته ريف ضيف ومســـايير
ظلا لربعه ريفـــــهم جـــعل يهديه*** على جنــــــان الخــلــد رب المـــقادير
والا يقولون العــــــرب محد باكيه*** يمكن يحســــبونه كمـــا نافخ الـــــكير
ورجلا بلا ربعه ترى الضيم واطيه***وطير بلا جنــــحان لايمكن يطـــــير
وقت الشــــــــــــدايد للبناخى بانخيه*** وقت الرخــاء كلا يرد جمت البــــير

وتقبلو تحياتى