حملة (أطلب فاتورة ...لو شاري بريال)

بسم الله الرحمن الرحيم


اهتموا في الموضوع ولاتهملونه وانشروه ان استطعتم خدمة لكم ولغيركم وكتب الله اجركم



قبل المغرب اتصلت المدام وطلبت حليب للولد (نان 3) قلت خلاص وانا جاي بأجيب للولد حليب .....

مريت اقرب صيدلية وطلبت نان 3 قال الصيدلي موجود قلت عطني واحد كبير حطه بالكيس قلت كم المبلغ قال 55 ريال قلت اعرف انه بــ 46 ريال ووصل الى 48 ريال نط بها السرعة ...قال والله هو سعره كدا عاوزه والا ارقعه قلت لا والله الا عاوزه ......

سحبته وقلت له عطني فاتورة لاني بأتصل في وزارة التجارة اللي رقمها ((للمعلومية 8001241616 )) قسم بالله تقول حطيته في قدر ضغط .....

شفت جميع الوان الطيف فيه ....

قال ما لوش لزوم دا سعره كدا ....قلت ما اعني وعن الفاتورة سجلها ....

دا طلب بسييط وما يحتاق فاتورة ...قلت والله لو بريال الا تعطيني فاتورة لان وزارة التجارة الله يعزها قالت لنا نحن المواطنين رقمنا عندكم وبلغوا اذا شكيتم بس مجرد شك في السعر ....طلع ونزل ...دار وحار ......نشبت له نشبه ....المهم ان الرجال ما سلم .....شكل ضغطه وصل ( h ) ....في الاخير قال انت واخزه بكم قلت يا اخي قبل اسبوعين تقريبا ....اخذته بـــــــــــــ 46 ريال ليه نقز بها السعر فجاءة ....

قام المصري يرقع قال اصله بضاعتنا فيها الئديم والقديد واصله واصله وخذ لك من حكيهم...

اخرتها قال شيله بسعر 46 بس لو حصلته برى اكثر من كذا ترجع لي الفرق قلت ابغى فاتووووووووووورة ......

قال الصيدلي ما خلاص يا فاندم اصله انا ابيعه بالسعر الئديم وخسران فيه بس اهو يالله عشانك راقل طيب ولا تشتكي ولا اشتكي

..........وخذ لك من الدهن .........عطيته 46 ومشيت ...........
طيب حدود 9 ريال وين كانت بتروح ..............؟؟؟؟؟
اذا لازم كل واحد منا ياخذ فاتورة لو بريال وهو شاك بالسعر ويتصل على وزارة التجارة اذا حصل زيادة عن سعر السوق .....................

تكفون حطوا ايدينا ببعض حتى نقضي على طمع هؤلاء العمالة القذرة ...
تكفون دشنوا حملة بعنوان



(أطلب فاتورة ...لو شاري بريال)
منقول للفائدة

كل الشكر والامتنان على روعهـ بوحـكـ
..

وروعهـ مانــثرت .. وجماليهـ طرحكـ

..

ربي يعطيك العافيه على هذا الموضوع الجميل
نتمنى المزيد من مواضيعك
تحياتي لك