قصيده بعنوان رحال

للشاعر المبدع نهار بن طواله

بس اذكريني لاطغى ليلـك وطـال @@ارخى عليك من الهمـوم الحزينـه

والا انا عـن دارك اليـــــوم رحـال @@لـي ديـرةٍ تبكـي لفرقـاي عينـه

يفــــــز قلـبـه لاتنـــــــويـت بإقـبـال@@ ومن فرحته ترفـع لشوفـي يدينـه

ولي ربعٍ اشرف من صداقات الانذال@@ يثنـون دونـي بالنفـوس الثميـنـه

اكرام واجـواد ومشــــاكيـل ورجـال@@ طلق اليمانـي سعـد منهـم عوينـه

روس المراجل اعتلوهـا والافعـال@@ ميلي على التاريـخ يعطيـك عينـه

ماسيسـوا مجـدٍ بدينـار وريــال@@ خشوم البنـادق والسيـوف السنينـه

وانا قضيت من الهوى مالي ومـال@@ حـبٍ مثـل حـب البـدو للمدينـه

وانتي على فرقاي جـري تولـوال@@ ابكي علي حسـره وموتـي غبينـه

وقولي فقدت من الرجاجيل رجـال@@ عزيز قـوم ٍ كـان عنـدي رهينـه

كل الغلا ساقه على ايديـن الامـال@@ وعطانـي الحـب العفيـف بيمينـه

وانا خذلتـه يلعـن الحــــــــظ لامـال@@ لابو الليـال السـود لابـو سنينـه

تندمي حتـى المـــــــطـر يلعـن الـلال@@ وتوجـدي حتـى النـدى تلعنيـنـه

ولامرت الذكـــرى وليل الشقى طـال@@ وبك نوخت كـل الهمـوم السمينـه

لاتذكريني عاشـق ٍ عشقـــته هبــــال@@ بـس اذكرينـي فزعـةٍ تذكريـنـه

الله يعطيك العافية
تقديري لك

تسلم يمينك أخوي على هذه القصيده ........

قصيدة جميله ومعبره
سلمت يمينك وصح لسان الشاعر بن طواله
بارك الله فيك

تسلم اخوي رحال على القصيده الرئعه
الله يعطيك العافيه

قصيده رائعه

صح لسان كاتبها وتسلم يمين ناقلها

ابداع يجعل للنفس الرضا فننتظر الجديد

شكرا على القصيده الأكثر من رائع
سر إلى الأمام وأسأل الله يوفقك وجميع من في المنتدى

مشكور أخي على الطرح المميز
وننتظر المزيد
و إلى الإمام دائما

صح لسانك ومشكوووووووووووور اخوي رحال

صح لسان الشاعر ابن طواله وجزاك الله خير اخوي رحال