مجاراة الكباااار

هذه الابيات من تلبية الطلبات الخاصه وهي مجارات عمالقة الشعر حيث البدايه محاولة مجارات الشاعر الكبير سلطان الهاجري

( مجاراااة الكباااار )

يقول الشاعر الكبير سلطان الهاجري

يا بو العيون اللي هدبها مراييش === يا بو الدلع يااللي شفاياك ذبله

ياما علشانك نويت المطــــاريش === وياما تبعتك شرق والناس قبله

واليوم كني شفت بالوضع تشويش === شيآ مجــــمعة العلوم تحسبله

وشعاد لو تزعل علي الدراويش === وانا بدويآ راح يتبع هوى ابله

جرد الرقاب اللي وبرها عكاريش === لا ربعة قلبي يزين الطربله

ننزلبها في منزلآ ما بعد نيش === روضآ خضر عشبه خزامه وربله

في ليلتآ ياتي مطرها رشاريش === هذا ربيــــع القلب عقبه وقبله

لا تحسبني بعد فرقاك ماعيش === من لا حســبلي عادتي ماحسبله

حتيش لو بينته الصــد حتيش === ماني بلا عنتــــر ولا نتي بعبله

الشاعر
سلطان الهاجري

وهنا محاولة المجاراه

ياخاطرآ صافي بدا فيه تشـــــــويش === تجاذبته افكـــــار ما تنكـــــتبله

لا عقلها كامل ولا خــــــالطه طيش === هذا لبـــس هذا على يديه دبله

يا ساريه بين الحنايا حـــــراويش === صرتي مزون لخاطرآ صب وبله

زود المعاند ليش ماقلت لي ليش === خسران من عاند له عقول خبله

في ودها تتبع هوى لقمة العيش === لي طبع هذا طبعــتتها ما عجبله

وصل الغلا فيها لحد التهاميش === نالت خســـــارة قلبي اللي كسبله

درسآ ولا صاده حبال الخفافيش === ويصيد خفاش الهوى نفس حبله

وكان الوداع نهايته رفت الريش === وحــــــــده بوحده مانوينا عتبله

ليه المكابر والعنا لجل ما فيش === ما هيـــــضت قلبي بلحنه لعبله

اخوكم :عبيد السميري
شاعر ملوك العقيده

يعطيك العافية اخوي عبيد السميري

شاعر كبير وتستحق التقدير
مجاراه رائعه وجميله
ربي يعطيك العافيه
ودمتم

صــــــ( لسانك )ـــــــح

مجاراه رائعه جدا

مجاراة رائعة

شكراً لك

صح لسانك على هذه القصيده الرائعه شاعرنا عبيدالسميري
وننتظر منك المزيد من القصائد
تحياتي لك

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~