يابنت

يابنت ياللـي تطلبيـن الاضافـه

انا اعتذر ماني من اللي يضيفـون



امشي على درب النقاء والنظافـه



ولاني من اللي للحبيبه يخونـون



يابنت من يتبع هوى النفـس آفـه



والبهرج الخداع ماهوب مضمون



دربً ماهو للزين نفسـي تعافـه



خلي عساه من الحسد دوم مصيون



ما احب انا درب الخطاء واقترافه



ترفقي بالنفـس بالهـون بالهـون



حتيش لـو انـك تمـدي كنافـه



مع لوز مع تفاح بالحيل يشهـون



الله ترى فوقـي وفوقـك نخافـه



ومن لا يخاف الله يابنت محـزون



اغناني الله عـن كـلام السخافـه



باللي بها قلبي مع العقـل مفتـون



مكمله حسـن وجنـاب ولطافـه



والدين والاخلاق والعقل مـوزون



وانا اعترف فيني صمود وجلافـه



لكن مع الغالي على مـا تحبـون

مما راق لي

صح لسانك وسلمت يدك على هذه القصيده الرائعه

يعطيك العافية اخوي ابولمياء

قصيده جميله بارك الله فيك

رائعة جدا

نحن في زمن فتن أخي الكريم

يجب بحق أن تسموا بنا مخافة الله عن كل ما يغضبه عز وجل

نسأل الله أن يسترنا في الدنيا والأخرة

بارك الله فيك أخي الكريم وجعل هذا النقل في موازين حسناتك

وهدى الله كل ضال إلى طريق الصواب

تقبل مروري

واثقـــــــــــــــــــــــــــــة الخطـــــــــــــــــوة

الامل القادم
واثقة الخطوة
اسعدني مروركم

الله يعطيك العافيه أخي هبوب الشمال
قصيده رائعه