اسال مجرب

عزاه يابرق(ن) سرى الليل كله
ليله ظلام وبارقه يشعل اشعال .
. ومزنه مرودم والهواء راكدله
والما منه ينزل على الارض شلال .
. سبحان من انشاه في قدرتله
وبمره يسوق ويتجه وين ماقال .
. كونه بخار ووسطه الما يشله
ومن البحر ساقه لوديان وجبال .
. ويسقي به ارض(ن) الدهر جاريله
يحيي شجرها عقب موته والا محال .
. يرعد ويبرق والهواء سايقله
بامر الولي عالم خفيات الحوال .
. رب(ن) عنه ماخافين شئ لله
يعلم خفايا الخلق صادق ودجال .
. والارض ملكه والسما تحت ظله
وهو الذي عند المهمات ينسال .
. ومن بعد ذكر اللي فرض قبلتله
سر ياقلم وكتب جديدات الا مثال .
. اكتب وعبر والخطا عنك زله
في خط واضح واعدل الحرف لامال .
. اكتب وحبرك دمع عين(ن) تهله
ادموع عين(ن) من عنا الوقت همال .
. اكتب كلام اللي نزح عن محله
بينه وبينه الف كيلوا بالا ميال .
. الياطراله قام همه يتله
قامت هواجيسه تحده على الجال .
. والرجل يعرف كيف دربه يدله
ولا غدا مع قول عاذل وعذال .
. لا تعيش في عيشةاهانه وذله
لوانت تسكن في خلا مابه ازوال .
. ودرب(ن) تشوف به المماشي مخله
جنب عنه والدرب الا قشر للا نذال .
. وفل الحجاج مع الرجاجيل فله
اليا احترمت الناس عدوك رجال .
. والناس تتبع واحد(ن) ماتمله
ومن عال يمه عالو الناس لاعال .
. لون بعض الناس بلشه وعله
حاول عنه تبعد بلا هرج وجدال .
. لا تجادله تبلش معه باالجدله
وينشر علومك ناقل القيل والقال .
. والا اليا منك تكلمت قله
قول(ن) يخلي وجهه الوان وشكال .
. حتى يحسب قعبها كلمت له
بعض السوالف مالها ساس وهبال .
. والرجل يعرف من طرف هرجتله
هرجه يبين ماطراله على البال .
. وحذرا الردي حذرا تخاويه خله
لوهو رقا لمنصب ولوهو ملك مال .
. انته خويه لابدت حاجتله
واليا بدالك حاجت(ن)عنك ماسال .
. ولوطاب مده عود لعادتله
ماله مع اهل الطيب حض(ن) ولافال .
. اسال مجرب والتجارب مدله
التجربه درس(ن) مثبت وفعال .
. خاويت ناس(ن) من جميع الشكله
وفي ماخلق ربي تهول وتهتال .
. احد(ن) خلاف الربع دايم يحله
واليا حضر ينحل بالحال الاشكال .
. واليا فزع يعجبك في فزعتله
وطيبه مع الاجناب والربع باالحال .
. وايض تنومس للخوي خوتله
طيب وله باالطيب مخرج ومدخال .
. وحد(ن) ردي وفاشله سمعتله
وشره على الاقراب والعم والخال .
. وحد(ن) تعجب منه في هيبتله
ولاقال يفعل ميتردد الياقل .
. وتشوف فرق اخون وخو باالجبله
باالطيب والمذهب وهم نسل رجال .
. واللي تشوفه خارب(ن) مذهبله
ابعد عنه جعله لمليون سلال .
. ماانته ا بمجبور(ن) على قربتله
لو انته تخاوي هنود(ن) ونيبال .
. وزل الخطا عن صاحب الطيب زله
وخويك ادمح زلته ونس ماقال .
. يمكن تجي كلمه مهي مقصدله
احذر يجيك من الخطا شك وجفال .
. الرجل ماله باالعمر مكسبله
والله لا قالو رجل طيب وعمال .
. ياجامع(ن) للمال ومخزنله
وش يستفيد الرجل من جمعت المال .
. ان ماوقف به لا بدت عازتله
لامات من ماله ماغير الكفن شال .
. ماالله خلف في هاالحياة اتعبله
والمال بالي والعمر باالمثل بال .
. واللي يفكر بس في عيشتله
الفول بريالين والخبز بريال

اعجبتني فنقلتها لكم

قصيده جميله ومعانيها واضحه شكراً لك وبنتظار جديدك

والارض ملكه والسما تحت ظله=وهو الذي عند المهمات ينسال
ومن بعد ذكر اللي فرض قبلتله= سر ياقلم وكتب جديدات الا مثال

شكرا لك اخي هبوب الشمال
على هذا النقل الرائع

قصيدة رائعة جداً مليئة بالحكم النافعة

الامل القادم
ساهر2010
ابوحسان

اسعدني مروركم الرائع