اليكم هذه القصيده

بسم الله الرحمن الرحيم
السلام عليكم ورحمة الله وبركاته
اليكم هذه القصيده التي تتكلم عن الصحبه والخوه الطيبه وهي تذكير عن الماضي وعن رحلات جميله
فكان من احد اصدقائي في الرحلات البريه فريح بن عيد الكلبي الجهني فبعد فترة من الزمن انقطعنا عن الرحلات
البرية فجبت هذه القصيدة

؛؛؛؛؛؛؛أقول فيها؛؛؛؛؛؛؛؛

يافريح والــلــه يوجعنــي عظـــــــامي == ومن عوقـهن يافريح والله تكسمـلـــــت
من عوقهن لاطــــحت مابغى المقامي== وقمت استـــــهل القاف فيهن ومثـلـــــت
وظلــينا أنــا ويـــاك عدة عـــــــوامــي== نقنص ولاعمري عن الشـــمس قيـلـــت
ولااخاوي اللي هرجــهوا بالــمـلامــي== ولااريد صـحبتــهم ومنهــوا تــملــمــلـت
امشي على الخط السريع النــظامي == ولااقرب عروض الناس ولاعمري احتلـت
اعــدي المسبار والــجـــــو حامــــي == والـيوم عن روؤس المراقيب حــولــــــت
عقب النشاط وعقب شـد الحــزامـــي == اليـــوم عن طــرد الجــوازي تـنــازلـــت
والعيــن تسهر ماتــذوق الــمـنامـــي == مـــادام انــا عن عــــالي الرجــم عــزلــت
ايامنا تجــري ســـــــوات العســـامـي== ومن سرعــهــا يافــريــح والله تهــولــــت
والــيــوم اختــمهــابكــل احـــتــرامــي== وش فــيك عنــا يابن الاجـــواد طـــولـــت
واقصد بنفسي يوم قلـــت الكــــلامــــي== مالي ومال الناس وش قال وش قــلـــت

وتقبلوا خالص احترامي وتقديري
الشاعر/ عايض حمدان السميرى
ابو محمد عاشق الصحراء

---------------------------------------------