لا تامن العقرب ولا تامن الداب

لا تامن العقرب ولاالداب


أن زان لك وقتك تخير بـالأـصحاب
.........وان شـان وقتـك كلهـم مايبـونـك



أن جيتهم قامـو يحـدّون الأنيـاب
.........وان رحت عنهـم بالقفـا يشذبونـك



لا..دبّـرت دنيـاك والحـظّ ماطـاب
.........الناس لا..مـن طحـت مايرحمونـك



أهل السيوف اللي يقصّون الأرقاب
......... أمّـا كفاهـم واقـعـك يظلمـونـك



لا..تامن العقـرب ولاتامـن الـداب
.........السمّ واحـد لا..رقـا فـي متونـك



ياجاهل الدنيـا ودورات الأسبـاب
.........أعرف ترى من خان غيرك يخونـك



لو كان لك ربع(ن) موالين واحبـاب
.........لابدّهـم عقـب الـغـلا ينكـرونـك



وقت(ن) يشيّـب بالمخاليـق ماشـاب
.........أسأل رجـال(ن) جرّبـو يخبرونـك



(واحذر تخاوي كـل هافـي وكـذّاب
......... أهـل الـردى بطبوعهـم يطبعونـك )



أرفع مقامك عن ردييـن الأ نسـاب
.........لو شفتهم فـي حضرتـك يمدحونـك



فارق ثراهم وارق في راس مرقـاب
.........أبعد عن اللـي لونهـم غيـر لونـك



خلاّن مـال ومالهـم ربـع واقـراب
.........لاقـلّ مالـك عـدّهـم يكرهـونـك



أعتاض فيهم من طويليـن الأشنـاب
.........اللـي الـى مـال الدهـر ينفعونـك



لاصكتـك دنـيـاك وافـتـرّ دولاب
.........بانـت مواقفـهـم ولا يرخصـونـك



هذا رفيقـك مـن قريبيـن واجنـاب
.........ذخرك وهم في واجبـك يذخرونـك



عندك قريبين (ن) ولو قلـت غيّـاب
.........على صدى صوت النـدى ياصلونـك



ياللي سمعـت العلـم لاتفتـح البـاب
.........لاتنحشر في شـي ماهـوب شونـك



ربعك ألى من شفتهم صارو احـزاب
.........وتشـاورو بالـراي والعلـم دونـك



لاتبدي برايـك عليهـم ولـو صـاب
.........لو صحت باعلى الصوت مايسمعونك



ومن لاحسبّلك لاتسـوي لـه حسـاب
.........لو كان يسوى وحدة(ن) مـن عيونـك

تسلم على النقل الرائع

من لاحسبلك لا تسويله احساب0000لوكان يسوا واحده من عيونك
مشكور اخي الجهني قصيده رائعه جدً

صح لسانك على القصيدة الرائعة

اختيار موفق

شكراً لك

صـح لسآن الشششآعر / وسلمت يمنآك

لآخلآ ولآ عددم ..~

تحيآتـي لك

صح السانك
يعطيك العافيه

~&~ الجهني ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~