لاصرت ماتدري ليش أنت رجال ....والله خساره فيك هالاسم ينقال

المرجله ماهي بكلمه وتنقال
وتروح ما راحت هبوب النسايم
وألا خشونة صوت ورفع الاثقال
او رزة صدور وفعل الزلايم
ولاهي بعد مفتاح موتر وجوال
والا ردى لسان حديثه شتايم

انا بدخن وبشرب وبطلع مع فلآنه لآني (رجال) بعق والديني واترك صلآه الفجر لآني رجال بضرب خواتي واهينهم لآني رجال ..


طبعآ هآ الكلآم مآينقآل بشكل صحييح بس ينقآل با الافعآل افعال تمر علينآ بشكل يومي في البيت بيت الجيران نسمعهآ او نشوفهآ الى انتشرت بشكل كبير في هآ الوقت
تقريبا كل ما شّب شاب .. سلك نفس الطريق .. أو طريق يشبه له


( إلا من هدى الله )


صار الشاب الصالح .. شي نسمع به ولا نشوفه
الشاب اللي يصلي الفجر في المسجد !
ولا يسمع أغاني ..
ولا يدخن ..
ولا يكلم بنات ..
ولا يعق والديه ..
ولا يسب ولا يشتمالشاب اللي يعرف حق الله عليه ..
و يشكر نعمته ..
و يشكر فضله ..
ويغظ طرفه ..
ويصلي فرضه ..


انآ ما اعطي الشي اكبر من حجمه بس الي شايفينه انو قمنآ نعطي من الامور اقل من حجمهآ بكثيررر حتى تساوت حجمهآ ومآعآد نفرق بين المنكر والمعروف ..




مافي احد مايغلط بس كل مآيتقدم الزمن تنتشر الفتن اكثر واكثر حتى صار هآ الشي عن البعض اكثر من العادي او مثل الروتين الي يفعله


اكيد التربيه هي الاهم بس مو شرط التربيه تكون من داخل البيت بس الصحبه لهآ اثر كبير على الشخص ممكن تربيه 20 سنه تمحآهآ صحبه سنه وحده ..
وفي بعض الاوقات الشاب يتحرر من رقابه اهله وسيطرتهم عليه خاصه لـكآن دراسه او عمل برا المكآن الي عايش فيه .. هنآ راح يكون الشيطان عليه افسح
الا من رحم ربي
يعني مستحيل تشوف شخص يصلي الفجر با المسجد ويسهر ويفعل الحرام لآن الصلآه تنهى عن الفحشآء والمنكر ..ومو اي صلآه بعد يعني ممكن شخص يصلي الفروض الخمس
والامآم يقرا وهو يفكر بنتيجه الهلآل والنصر او اخر البوم حق راشد



بتقولولي فتره مراهقه الحين سواء بفتره مراهقه او غيره الغلط غلط .. المشكله انو المراهقه الحين تبدآآ من قبل البلوغ
تلآقي واحد با المتوسط او ابتدآئي عنده جوال وحآط الخلفييه صورت بنت منسدحه او تعجبه صوره اولاد يدخنون ..


يمكن المراهقين مقدورين عليهم شووي مدامه ياخذ مصروفه من امه ويلعب كوره في الحاره


بس الي اقصده المراهق الكبير الي مآيسمع كلآم امه ولآ ابوه !!



اجل وشو معنى الرجوله !






المرجله شيمه عن القيل والقال
رفيع نفس وحر بالجو حايم
المرجله عقل وزنه وزن جبال


تحياتي لكم..

ربي يعطيك العافيه على هذا الموضوع الجميل
نتمنى المزيد من مواضيعك
تحياتي لك

يعطيكم العافيه على المرور

يسلمووووووووووووووو ع الموضوع المتميز
أخي صقر
الذي يتستحق التثبيت